PĀNGMONSHI 1:3 - Kathara Bible (BSI)

³ Awui rikkatā kachigat chi seishangwui eina ngasāsaakha, achuk kapei avā chigatranu, kala Prohona khuisangmi khavaiwui vang kazip khavai kachonshimwui khāmongli khuirāranu,

PĀNGMONSHI 1:3 Iomraidhean Croise

HAOKAPHOK 22:13

Kala Abrahamna amik kapeikakā tharān, yanglu, awui khanukshong khararli angachi ngaruishāntitlaga yaovā akha leisai; kala Abrahamna yaovā chi akhuilaga Isaacwui mahut rikkatā kachigat sāda pha̱phayāhaowa.

HAOKAPHOK 22:2

Ana hānga, “Nawui akhamāng kaje naomayara nana leishilak kahai Isaacli Moriah ngaleili, ina chitheiki kaji phungrei chili thānvāda rikkatā kachigat akha sāda apha̱haolu.”

HAOKAPHOK 22:8

Abrahamna hānga, “Inao, rikkatā kachigatwui vang Vare akhalattana yaonao ngarānmira.” da hānglaga ani ngasothuiuwa.

HAOKAPHOK 8:20

Chieina Noahna Proholi hanphut akha sākhuida kathara sāyur kala vānaoyur kachiva̱ khuida rikkatā kachigat akha sai.

2 THOTRINCHĀN 29:32

Rakakazipbingna rikkatāchigatwui vang khuikharā mukkā hangshini, yaovā shākha, yaonao shākhanina; saikora hi Proholi rikkatāchigat sākhavaina.

2 THOTRINCHĀN 35:12

Moseswui lairikli kapi kahai athishurda, avāva̱ ngarāwui shimkhur athishurda kharābingna Proholi chigat khavai rikkatāchigatsā ngateida phaishokmi. Kala mukkābingla taithatlaga chithāda phaishokmi.

LAA 110:3

Kathara phungreitungli, nawui ashangva̱li thānthanghon nawui mibingna khalem eina chigatra. Ngathorwui naopam eina ikra̱ katā thāda, nawui yaron-ngalābina nali rāra.

LAA 40:8

O iwui Vare, nawui kaphaning chi ina sāmingailaka; nawui ain iwuklungli lei.”

SHONGZĀ 12:5

Yaonao nilala, me nilala, achuk kapeiya kumkhawui avānao khuira;

SHONGZĀ 24:5

Kala ana Israelwui yaronnaobingli chihoda rikkatā kachigat eina ningyatchigatwui vang mukkā kachungkha Proholi apha̱ ngasaka.

SHONGZĀ 29:18

Kala yaovā chi tongda hanphutli riktālu; hi Prohowui vang rikkatā kachigatna, nganamkaphā otna, Proholi mei eina kachigata otna.”

SHONGZĀ 29:4

“Nana Aaron eina awui naomayarabingli kazip khavai kachonshim khāmongli khuirālu kala tara̱ eina ra̱vaimilu.

SHONGZĀ 29:42

Nathumwui mithot kachida kazip khavai kachonshimwui khāmongpheili Prohowui mangāli machatlakla rikkatā kachigat hi sāchingra, chili ina nali samphangda nali chan ngazekra.

SHONGZĀ 32:6

Akhama kathā athumna ngathorthāk ngakarthuida rikkatā kachigat kala ningyatchigatwui vang khuirai, kala mibingna phāshak phāzāda kala ngakarthuida lumshilao sai.

SHONGZĀ 35:21

Kala mi kachiva̱wui ningli kakasat khalei kala saza̱da khangatha̱ kachiva̱na, kazip khavai kachonshimwui shichin khavai Prohowui kachigat, kala chiwui otram ngatha̱ khavai saikorawui vang kala kathara sāriwui vang khuirāmi.

SHONGZĀ 35:29

Israelwui mibing saikorana, mayarnaola, sha̱naola, ningli rāza̱da khangatha̱ samkaphang mi kachiva̱na, Mosesli Prohona kaso kahai ot chi sākhavai mi kachiva̱na mingairareo lemmet eina Proholi rāchigatsera.

SHONGZĀ 35:5

Nathum ngachaiwui eina Proholi kachikathāna chigatkhangai, mingairareo kahai mi china sinā, lupāsā, kala pithrai,

SHONGZĀ 36:3

Kala kathara shimwui ot chi sākhavai Israelnaobingna mingairareo kachigat saikora athumna Moseswui eina samphanga. Athumna lemmet kachigat ngathor kachida khuirāmi,

SHONGZĀ 38:1

Ana rikkatā kachigatwui hanphutla acaciathing eina sākhui, asān-aret khuining phangāripa, asān-aret ngaraichai, kachuina khuining kathumna.

ISAIAH 1:11

“Nathumna kachungkha pha̱kaphayā chi iwui vang khikhala?” da Prohona hānga; Yaovābingwui rikkatā kachigat sānhaira kala keimathao kahai sha̱kei ina penhaira; seiwui, yaowui, mevāwui ashee ina maningchāngmana.

EZEKIEL 20:40

“Kaja Proho VAREna hānga, Iwui kathara kaphung, Israelwui kajuiya kaphungtungli, iwui mi Israel shimkhur saikora, athum saikora, ngalei chili ili otram ngatha̱ra, chili athumli ina khuisangmira, kala chili nathumwui khami kala phameikap kaje kachigat kala kathara pha̱kaphayā chi khuisangmira.

EZEKIEL 40:39

Chiwui uishong, table khani runghai, chi rikkatā kachigat, suihamchigat sā taithat khavaina.

PĀNGMONSHI 1:10

Kalikha awui kachigat chi rikkatā kachigatwui vang yaoshangwui yao, lah meakha, achuk kapei avā chigatranu;

PĀNGMONSHI 14:10

“Kachishatathang achuk kapei yaovā khani kala kumkhawui achuk kapei yaolā akha kala tharāzātchigatwui vang manaktak kahai mathir khuiluiwui sharuk tharawui kathum thao eina manātta chi ana khuirāra.

PĀNGMONSHI 16:7

Chiwui thili ana mevānao khani khuilaga kazip khavai kachonshimwui khāmongli Prohowui mangāli rāchigatra;

PĀNGMONSHI 17:4

kala kazip khavai kachonshim khāmongpheili Prohowui tabernacle mangāli Proholi lemmet khami chigat khavai makhuiraakha, mi chili asheewui khayon tāra; ana ashee tāngasakhaira; kala mipa chili awui miyurwui eina katathaora.

PĀNGMONSHI 17:8

“Kala nana athumli hāngra, Israel shimkhurwui kachikathā akhana, lah athumwui ngachaili kha̱mi ngasokharā akhana, rikkatāchigat, lah pha̱kaphayā chigatlaga,

PĀNGMONSHI 17:9

chi Proholi chigat khavai kazip khavai kachonshim khāmongpheili makhuikharā mi chi awui miyurwui eina katathaora.

PĀNGMONSHI 23:12

Kala māmazān chi khayitchigatthang, nana kumkhawui yaovānao achuk kapei akha rikkatā kachigatwui vang Proholi pha̱ra.

PĀNGMONSHI 23:18

Kala khamui chili ngasoda achuk kapei, kumkhawui yaonao shini, mukkānao akha, yaovā khani khuirāra; chibing chi Proholi rikkatā kachigat sāra, kala chiwui tharāzātchigat kala ra̱shak-shirei eina ngasoda mei eina riktāda Proholi ningyāngkhaung nganamkaphā chigatra.

PĀNGMONSHI 3:1

“Proholi kachigat chi ningyatchigatakha, kachigat chi seishangwui eina sā chi avā nilala lah alāni nilala, achuk kapei chigatra.

PĀNGMONSHI 4:15

kala Prohowui mangāli ashangva̱wui ararbingna sei chiwui kuitungli pāng parra, kala mukkā chi Prohowui mangāli taithatra.

PĀNGMONSHI 4:23

ana khayon sākahai chi ali theingasak kahai tharan, ana awui suihamchigatwui vang achuk kapei mevā akha khuirāra,

PĀNGMONSHI 4:3

kasāpa chi thao neomi kahaia pāngmon sāsāda, ana mibingli yonngasakakha, ana morei sākahai chiwui vang suihamchigat sākhavai achuk kapei mukkā akha Proholi chigatra.

PĀNGMONSHI 4:32

Suiham chigatwui vang achuk kapei yaonao akha khuiraakha, ana achuk kapei avā akhala khuirāra,

PĀNGMONSHI 5:15

Prohowui kathara otli kachikathāna yonda sānguihaiakha, awui suihamchigat sākhavai Proholi achuk kapei yaoshangwui eina yaovā akha chigatra, chiwui aman shekel lupāsā, kathara shimwui shekel athishurda nana khuilu; hi khayonchigatna.

PĀNGMONSHI 5:18

Ana achuk kapei yaoshangwui eina yaovā akha pāngmonli khuirāra, kala suihamchigatwui thāda nana aman chākkhuilu, chieina pāngmon china awui khayon chiwui vang pheomi khavai sāra, kala ali pheomihaora.

PĀNGMONSHI 6:2

“Proholi manganāsangmada kachikathāna awui khongnainaona ali chisinhaikasā ot minamkhuihaiakha, lah ngapaikhuihaiakha maningakha awui khongnaili satkharatta morei saakha,

PĀNGMONSHI 6:8

Prohona Mosesli hānga,

PĀNGMONSHI 7:16

Kha awui kachigat chi khangashit kasāwui kachigat, lah lemmet kachigatwui pha̱kaphayaakha, pha̱phayāthang shaira kala katai chi akhama kathāla shaipai.

PĀNGMONSHI 8:18

Chiwui thili ana rikkatā kachigatwui yaovā chi khuirāda chiwui kuitungli Aaron kala awui naomayarabingwui pāng para.

PĀNGMONSHI 8:21

Kala Prohona Mosesli kakaso athishurda awuksa eina akhobing chi tara̱ eina pheolaga yaosā katonga chi Mosesna Proholi nganamkaphā rikkatā kachigat sāda hanphutungli meili riktai.

PĀNGMONSHI 9:2

kala ana Aaronli hānga, “Suihamchigatwui vang achuk kapei mukkā akha kala rikkatā kachigatwui yaovā akha da khuilaga Prohowui mangāli khanini chi chigatlu.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MALACHI 1:14

Kakapika, awui yaoshangli yaovā akha khalei chi thumhailaga achukmakapei chi Proholi kachigata mipa chili khonkashi ngasāranu, kaja I kahaka Awunga akhana, kala yurbingwui ngachaili iwui mingli ngacheesera, da saikorawui Prohona hānga.

MISHĀN 15:3

kala nathumna Proholi kachigat, seishang, lah yaoshangwui eina, lah mei eina riktāda kachigat, lah pha̱kaphayā, lah khangashit ungshungmi khavai lah lemmet kachigat, lah langchin sākahai phanit phanaowui kachigat Proholi nganamkaphā kachigatlapai,

MISHĀN 15:8

Kala nathumna rikkatā kachigatwui vang mukkā lah khangashit kasā ungshung khavai pha̱kaphayā, lah Proholi ningyatchigatwui khangarān kasā chitharan:

MISHĀN 19:2

Prohona kakaso ainwui shiyan-chikan chi hina: Israelwui mibingli hānglu, achuk kapei khānkhanang makhaleiya kala seiot maphunglakrang kaji kahunga seila akha khuirā ngasaklu.

MISHĀN 23:19

Vare hi kakapika maningmana, lah ning ngacheiki kaje miwui nao maningmana. Ana hāngkahai ngalanrala? Lha ana matui kahai maungshung ngasakmala?

MISHĀN 23:27

Balakna hānga, “Rālu, ina apam khangateili thānvāluika; chile Vareli ningyāng ungngasakta athumli iwui vang khonshi ngasaklapai.”

MISHĀN 23:3

Kala Balaamna Balakli hānga, “Nawui rikkatā kachigatwui ngalemli nganinglu, I thuihaoka, Prohona ili rāsamphanglapai; kala ili kachithei saikora chi ina nali hāngra.” Ana juikhamei apamli kai.

MISHĀN 23:30

Kala Balaamna hāngkahai chi Balakna sai, kala hanphut ava̱va̱li mukkā akha, yaovā akha da chigata.

MISHĀN 28:11

Nathumwui kachāng haokaphok kachida nathumna Proholi rikkatā kachigat mira: mukkā khani, yaovā akha, kumkha kākahai achuk kapei yaovānao shini;

MISHĀN 28:19

kha mei eina rikkatā chigatlu, rikkatā kachigat Proholi sālu: mukkānao khani, yaovā akha kala kumkha kākahai yaovānao shini chigatra; chibing achuk peiphalungra;

MISHĀN 28:31

Machatlakla rikkatā kachigat kala tharāzātchigatli lāngda hibing nana athumwui ra̱shakchigatla chigatmira. Theilu, kaja chibing chi achuk kapei sā phalungra.

MISHĀN 29:13

kala nathumna mei eina riktāda Proholi ningyāngkhaung nganamkaphā rikkatā kachigat sāra; mukkānao tharāda kathum, yaovā khani, kumkha kākahai achuk kapei yaovānao tharāda mati chigatra;

MISHĀN 29:2

kala nathumwui Proholi ningyāngkhaung nganamkaphā rikkatā kachigat sāra; mukkānao akha, yaovā akha, kumkha kākahai achuk kapei yaovānao shini;

LUKE 1:35

Kala kazingrao china ali hānga, “Manglā Katharana nawuitungli tāra, kala juikhamataiawui pangshap china nali rakhayinmira; chiwui vang eina pharāki kaje nao chili kathara Varewui Naomayara hora.

JOHN 1:36

kala Jishu zatkasā theida hānga, “Yanglu, Varewui yaonao!”

JOHN 10:7

Chieina Jishuna hāngluishita, “Kachangkhat eina ina nathumli kahāngna; ina yaobingwui khamongna.

JOHN 10:9

I khamongna; kachikathāna iwui eina zangakha ali huimira, kala shok-zangda wonnui samphangra.

2 CORINTHNAO 8:12

Kachichawui khalei chi mingairareo miakha Varenala khuisangmira; makhalei chi milu majimana.

2 CORINTHNAO 9:7

Kachichāwui kaphaning athishurda miki kajina, tandiwui ot maleimana, kaja mingairareo khame chili Varena leishi.

EPHESIANAO 2:18

Kaja Khristawui manga eina Jihudi eina Gentile, khanini Mangla akha eina Avāli zangkapaina.

EPHESIANAO 5:27

Kaja church chi kathar eina khayon-khamāng, chukhara kala khavāt maleilakla church khalattali chigat khavaina.

KHALATLUI 12:27

kala nawui rikkatā kachigat chi nathumwui Prohowui hanphutungli asāla, asheela pha̱phayāki kajina; nawui pha̱kaphayā ashee chi Proho nathumwui Varewui hanphutungli chairorki kajina, kha asāva nathumna shaipai.

KHALATLUI 15:21

Kha achuk makapeiya, phei katek nilala, khangapeo nilala, khangakhai-khangarai nilala leiakha Proho nathumwui Vareli machigatpaimara.

KHALATLUI 17:1

“Nathumna seilapai, yaolapai achuk makapei kala khangakhai-khangarai eina Proho nathumwui Vareli mapha̱paimana; kaja chi awui mangāli ningkakachai otna.

HEBREWNAO 7:26

Chiwui vang eina ithumwui ningkachāng ungshung khavai pāngmon kharei chi Jishuna. A Katharana; ali khayon kala morei maleimana; morei kaphungbingwui eina ngateimihaida kazingramli chuimeida khuikāhaira.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.