OTSAK 9:6 - Kathara Bible (BSI)

⁶ Kha ngakarthuida keinungli zanglu, chili nana sāki kaji hāngminaora.”

OTSAK 9:6 Iomraidhean Croise

LAA 25:12

Proholi khangachee mi chi khipākhala? Chipāli ana kapangkhuiki kaji apong chi ali tamchitheimira.

LAA 94:12

O Proho, nana hāngkhamachin, kala nawui ainwui eina tamkachitheia mi chi sokhamina

ISAIAH 57:18

Ina awui apongbing theihaira, kha ina ali raimira; ina ali thānmida ningnganung khavai sāmira, awui vang chapkhangachābinglila ning khanganung mira.

ISAIAH 66:2

Ot saikora chi ipāng eina sākhui, chieina ot saikora hi iwuina da Prohona hānga. Kha ina yangki kaji mi chiya, malungkhanim kala ningkhangatei, kala iwui tuili ngacheeda kakathira china.

EZEKIEL 2:1

Kala ana ili hānga, “Miwui naomayara, ngakarthuilu, ina nali ngazekra.”

EZEKIEL 3:22

Kala Prohowui pāngna iwuitungli ngasomi, kala ana ili hānga, “Ngakarthuilu, tampākshong vālu, chili ina nali hāngra.”

HABAKKUK 3:16

Ina shālaga iphasā kathira, akhon chi shāda imorchai kathira ara̱kui makazang thāda, pheila makārthukthuwa. Ithumli rai rākatā athumwuitungli kachotkachāng kharā atam chi ina kasaikha honsāra.

MATTHEW 19:30

Kha arui khare kasābing kachunga naothuihaora kala khanaobingna rihaora.

LUKE 3:10

Chieina mi kachungkha china ali ngahāna, “Chithākha ithumna khi sarakhala?”

OTSAK 10:22

Athumna hānga, “Shipai shākhawui akhavā Corneliusna chihokharāna. Ava Vareli khokharuma kala Jihudi yur katongana kasoa kaphā mi akhana. Nali awui shimli hounglaga nana hāngmikhangai chi nganākhui khavai Varewui kazingraona nali ahokhuilu da ali hānga.”

OTSAK 10:32

Kachikathāli Joppali chihovāda Peterla kaho Simonli aholu. Shamadrupheili kapama, sāhui khamathena Simonwuili ā shimzun sāda lei.’ ji.

OTSAK 10:6

ā shamadrupheili kapama, sāhui khamathena Simonwui shimli shimzun sāda lei.”

OTSAK 2:37

Tui chi kashā tharan, athumwui ning sāza̱haoda Peter kala paokazatbing chili hānga, “Ivānaobing, ithumli khi saulu jikhala?”

OTSAK 22:10

Chieina ina ngahāna, ‘Proho, ina khi sarakhala?’ Chieina Prohona ili hānga, ‘Ngakarthuida Damascusli vālu, chili Varena nali sāngasakhangai chi hāngmisera.’

OTSAK 26:16

Kha ngakarthuida nganinglu, kaja nali rao akha sāda kapangsang khavai ina rākachitheina, kala aja nana ili theikahai kala ina naoda nali chitheiluiki kaji chi nana kateibingli shākhi sāphalungra.

OTSAK 9:5

“Proho! na khipākhala?” da ana ngahāna. Akhon china hānga, “Nana rekharekta khalei Jishu chi ina.

ROMNAO 10:20

Kala Isaiahna pingmeida hithada hānga: “Makaphābingna ili samphanghaira; Ili makhangathingbingli ina ikhalatta chitheihaira.”

ROMNAO 10:3

Kaja athumna Varewui eina kharā mashungkhami chi matheimana, kha athum khalattawui apong phālaga Varena mashungkhami chili mamayāthuwa.

ROMNAO 5:20

Ain khuikharā chi khayon-khamang chungsang khavaina; kha morei chungkasang eina Varewui lukhamashan chi lāngmeikharda chungsanga.

ROMNAO 7:9

Atam akhali I ain mavaila okthuisai, kha ningkhami chi kharā eina morei ringluihaowa kala I thihaowa.

PHILIPPINAO 2:12

Chieina, iwui leikashebing, nathumna atam kachida kahāng nganā kahai thada, aruila, imiktāmāngli maningla kha lāngmeikharda I makhalei tharan Vareli khangachee kala kachiham eina nathumwui huikhami chi mapung phakhavai hotnakhuilu.

JAMES 4:6

Kha Varena hakkhamei lukhamashan mi, chiwui vang eina hithada hānga, “Varena lāngkasobingli ngasunga, kha khangahuibingli lumashanmi.”

1 SAMUEL 16:3

Kala pha̱kaphayā chili Jesseli hosanglu, kala nana khisamameira kaji ina hāngchitheira; kala ina aming hāngkhamipa chili nana iwui vang thao neomira.”

1 SAMUEL 28:5

Saulna Philistinewui raimibing theilaga ngacheehaowa, kala malung mapampaithuwa.