OTSAK 9:34 - Kathara Bible (BSI)

³⁴ “Aeneas,” Peterna ali hānga, “Jishu Khristana nali phāngasakhaira. Ngakarthuida nawui pet masankhuilu.” Chieina ana ngalāngda ngakarthui.

OTSAK 9:34 Iomraidhean Croise

OTSAK 3:12

Chi theida Peterna hānga, “Isrealnaobing, hili khisāda matakhakhaokhala, iniwui pangshap lah khamathā eina ali zatngasak kahai thada khisāda inili matakhak eina yangtitlikhala?

OTSAK 3:6

Kha Peterna hānga, “I sinala, lupāla maleimana, kha iwui khalei chi nali khamina, Nazarethwui Jishu Khristawui mingli ina nali ngakarthuida zatlu da kakasona.”

MATTHEW 9:6

Kha hi okathuili miwui Naomayarana morei pheomikashap pangshap leiya da nathumna theikhui khavaina.” Chiwui thili ana sheikasha̱ chili hānga, “Ngakarthuilu, nawui pet ngava̱khuida shimli ungulu.”

OTSAK 16:18

Tui hi ana thangkachida hāngchingda, chieina Paulna ningrākhaida ngareiunglaga sha̱ chili hānga, “Jishu Khristawui ming singda ina nali sha̱nao chiwui eina shokhaolu da kakasona!” Chichangli sha̱ chi awui eina shokhaowa.

OTSAK 4:10

hi nathum saikora, kala Israelwui mi saikorana theikhuiranu kaja nathumna krushli shaothat kahaia kala kathiwui eina Varena ringlui ngasak kahaia Nazarethwui Jishu Khristawui ming chiwui pangshap eina mipā hili raimihaida nathumwui mangāli nganingli.

OTSAK 3:16

Awui mingli shitkasang china nathumna theida khalei mipa hili pangngasakhaira, kala Jishuwui mangā eina shitkasang china nathum saikorawui mangāli awui phasā pongngasakhaira.

MATTHEW 8:3

Chieina Jishuna awui pāng katingvāda ali saza̱da hānga, “Ina sāmilakra, tharchaohaolu.” Ngalāngda awui khangaphār chi tharhaowa.

JOHN 2:11

Jishuna matakhak kahai sakhare chi Galileeli khalei Canali sai, apam chili awui tekhamatei ana phongshoka kala awui sākhangatha̱bingna ali shitsanga.

OTSAK 9:33

Apam chili phasā ngakaida thikahai kum chishat petwui eina mangakarthuikharara Aeneas kaho mayarnao akhali samphanga.

OTSAK 9:35

Lydda eina Sharonli okthuida khalei mibing saikorana ali theilaga athumna Proholi mai ngareiunga.