OTSAK 8:7 - Kathara Bible (BSI)

⁷ Mi kachungkhawui eina makathar manglāna panglāk eina vaolaga shoka kala sheikasha̱ kala pheikatekbinglila raimi.

OTSAK 8:7 Iomraidhean Croise

ISAIAH 35:6

Phei kathākana chaonao thāda ngalongra; khangasha̱bingnala male eina laa sāra. Kaja lamhāngwui eina tara̱ shokra, kala siwukli kong longra.

MATTHEW 10:1

Jishuna awui sākhangatha̱ tharāda khani chili hokhui kala makathar manglā kashamshok khavai kala kazātyur ayāyāva̱ kala kazāt saikora raimi khavai pangshap mi.

MATTHEW 11:5

mik khangapeobingna kathei samphanga, phei katekbing zatpaihaira, phārrei kakazābing tharhaira, khangakhokbing shāpaihaira, kathebingli ringngasakhaira kala kathai kachāmbingli paokaphā hāshokmihaira.

MATTHEW 4:24

Chithada sāda Syria ngalei saikorali awui mingzat chi ngayaovāserhaowa. Chieina athumna kazātyur ayāyāva̱ eina kakazā kala kazāda chotchāng kahai mibing, kameo kazangbing, zingmeirai kakazābing kala sheikasha̱bing awuili khuirai kala ana raimisera.

MARK 9:26

Kala panglak eina chapta ali khanukazamhailaga shokhaowa, kala nao chi kathi angun thāhaowa; chieina athum kachungana, “A thihaira” da hānga.

LUKE 10:17

Hangshini china mathānthathup hanungda hānga, “Proho, nawui ming singda kakaso tharan kameo eina tangda ithumwui kahāng nganai!”

JOHN 14:12

Kachangkhat ina nathumli kahāngna, kachikathāna ili shitsangakha ina kasā ot chi ala sāshapra, hakkhamei ot eina tangda sāra, kaja I Avāwuili vāhaora.

OTSAK 5:16

Jerusalemwui kuikhamareili khalei keinungbingwui einala kakazābing kala makathar manglā kazangbing khuirāda raimisera.

OTSAK 8:6

Philipwui tui kala ana kasā matakhak kahai machut chi theilaga mibing saikorana ana kahāng chili ningsanglak eina nganai.

HEBREWNAO 2:4

Varena machutbing, matakhak kahai kala mina masākharar otsakbing kala awui ningkachāng athishurda ngayarkhami Manglā Katharawui lemmet chieina shākhi mi.