OTSAK 8:3 - Kathara Bible (BSI)

³ Kha Saulna church hi shimān khavai sāda shim shimli zanglaga shitkasanga mayarnaolila, sha̱naolila shimenshokta phātopli vāsanga.

OTSAK 8:3 Iomraidhean Croise

OTSAK 16:19

Rao sha̱nao chiwui akhavāna lupā pheikhuikapaiwui kachihān chi shimānhaira kaji kathei tharan Paul eina Silasli tukkhuilaga leihngapha̱li shimenshokta akhavābingwui mangāli khuivai.

OTSAK 22:19

Chieina ina ngahānkai, “Proho, synagogueli vāda nali shitkasangbingli ina tukkhuida kashao chi athumna mathālak eina thei.

OTSAK 7:58

kala keinungwui ayarli khuishoklaga lunggui eina horthathaowa. Chitharan shākhibing china athumwui kashankachon raitāda Saul kaho yaronnao chiwui pheizingli haimisera.

OTSAK 8:2

Shitkasanga mi kaikhana chapngachāda Stephenli chizana.

OTSAK 9:21

Awui tui kashā saikorana ngahāna, “Mipa hi Jerusalemli Jishuli khokharumabingli shaokathatapā chi maningmala? Kala ana athumli tukkhuilaga pāngmon khareibingwui mangāli khuivā khavai apam hili kharā maningmala?” da matakhakhaowa.

1 CORINTHNAO 15:9

Kaja paokazatbingwui ngachaili I teomeikapa. Varewui churchli yankasaiwui vang ili paokazata dala mahorānmana.

GALATIANAO 1:13

Khare kachāng ina Jihudiwui dharma zatlakha Varewui Church shimān khavai kayākha sakta rekhareksākhala kaji nathumna shāhaira.

PHILIPPINAO 3:6

kala ainli lungsansāhaoda ina Vareshinaobingli rekhareksai. Ainwui kakaso khamayona hikathā mili mashungmipai jisi kaja iva khayon makhaleia ngasāra.

1 TIMOTHY 1:13

khareli ina ali mashāta, rekhareka, kala chipata. Kha Varena ili lumashanmi kaja I mashitsangmana, chieina ina kasā chi I matheisamana.

JAMES 2:6

Kha nathumna kachāma mili mautshitmana. Nathumli singkakharenga kala karotshimli shimenkhavā chi kashāngabing maningmalā?