OTSAK 8:21 - Kathara Bible (BSI)

²¹ Hiwui ot hili nawui yar mazangmana; kaja Varewui miktāli kaphaning mamashungmana.

OTSAK 8:21 Iomraidhean Croise

2 THOTRINCHĀN 25:2

Prohowui miktāli ana khamashung ot chi sai, kha ning tharchao majimana.

NEHEMIAH 2:20

Chieina ina athumli ngahānkai, “Kazingramli khalei Varena ithumli mataisang ngasakra, kala awui rao ithumna ngakarthuida sakāluira; kha hiwui pongli nathumwui yar, mashun kala Jerusalemli phaningungkharān khikha maleimana.”

LAA 36:1

Chonkhamakānana makaphā-makhayaali awui kathuka wuklungli ngazeka; awui mikyanli Vareli khangachee chi maleimana.

EZEKIEL 14:3

“Miwui naomayara, mibing hina meoma̱ athumwui ningli phumhaida athumwui ngaphok khavai morei otsakmāngli yanga; iwui pongli athumna ngahān khavai mayāra da phaningla?

PĀNGMONSHI 13:8

kala ana yanglaga khavāt chi ahuili manvaakha pāngmonna matharmana da chishātra; chi phārreina.

HABAKKUK 2:4

Yanglu, mangla mashun eina makazata mi chi shimānra, kha khangaronga mina awui shitkasang eina ringra.

LUKE 1:6

Ani khanini Varewui mangāli khamashung-khangarong mi sāda Prohowui ningkhami kala shiyan saikora mayonda shāt makālakla okthuisai.

JOHN 21:17

Kakathumali Jishuna hānglui, “Johnwui naomayara Simon, na ili leishila?” Kakathumalila “Na ili leishila?” da khangahānwui vang Peter wukkhananghaowa; kala hithada ngahānkai, “Proho, nana saikora katheina; ina nali leishiya kaji nana thei.” Jishuna ali hānga, “Iwui yaobingli phāuilu.”

OTSAK 8:37

Philipna ali hānga, “Nana ningtongda shitsangakha ra̱hikmipaira.” Chieina ana ngahānkai, “Ina Khrista hi Varewui naona da shitsanga.”

EPHESIANAO 5:5

Shāmkasā, makathara, kākharāma (kākharām hi meoma̱li khokharum kathāna) mi china Varewui kala Khristawui wungramli kachilikha shimlui makāpaimana.

KHALATLUI 10:9

Chiwui vang Levina achinā ngarāwui thāda shimluiyar masamkaphangna; Proho nathumwui Varena hāngkahai thāda, Proho hi athumwui lanna).

KHALATLUI 12:12

Chili nathum, nanaomayarabing, nanaongalāva̱bing, nathumwui rao mayarnao kala sha̱naobing kala nathumwui keinungli khalei shimlui mayarkasanga Levinaobing zangda Proho nathumwui Varewui mangāli ringphangarumra.

HEBREWNAO 4:13

Varivarawui eina ngathumkapai khikha maleimana. Ot saikora awui miktāli ngakheikhang eina theisera; kala ithumna sākahai ot saikora ali hāngphatserki kajina.

JOSHUA 22:25

Kaja, Prohona ithum eina nathum Reubennaobing eina Gadnaobingli Jordanna thari sāmihaira, Prohowuili nathumwui yar maleimana,’ chieina ithumwui naongarāli nathumwui naongarāna, Proholi khokharum ngasām ngasakhaipaishina.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

PHONGKHAMI 20:6

Ringkhalui khareli kazang athum sokhami kala kathara ngasāranu! Chikathāwuitungli kakhane kathi china khipangshapkha maleimana kha athum Vare eina Khristawui pāngmon sāda athumna ali ngasoda zingkum thingkha mungrumra.

PHONGKHAMI 22:19

kala kachikathāna phongkhami lairik hiwui tui khuishokhaiakha lairik hili hāngkahai kharingwui thingrong kala kathara keinung chiwui eina awui sharuk khuishokhaora.