OTSAK 8:12 - Kathara Bible (BSI)

¹² Kha Philipna Vare wungram eina Jishu Khristawui mingwui paokaphā tamkachithei chi athumna shitsanghaoda mayarnaolila, sha̱naolila ra̱hikmi.

OTSAK 8:12 Iomraidhean Croise

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

LUKE 9:2

Ana athumli Vare wungramwui pao hāshok khavai kala kazāt raimi khavai shivāta.

LUKE 9:60

Kha ana ali hānga, “Kathina athum khalattawui kathili chifaranu; kha nawui vanga, vāda Vare wungram chi vaomalānlu.”

OTSAK 1:3

Ana thikahaiwui thili zimiksho hangmati thangwui alungli athumli rāsamphangda apong kachungkha eina a ringda lei kaji tharzā eina azak eina chithei. Athumna ali mik eina thei kala ana athumli ngazekta Vare wungramwui pongli tamchithei.

OTSAK 11:20

Kha Cyprus eina Cyrenewui mi kaikhana Antiochli vākashung eina Greeknaobinglila Proho Jishuwui paokaphā chi hāshoka.

OTSAK 18:8

Synagoguewui akhavā Crispusna awui shimkhur saikorali ngasoda Proholi shitsanga, kala Corinthwui mi kachungkhana Paulwui pao chi shālaga shitsanga kala athumli ra̱hikmi.

OTSAK 19:5

Athumna pao hi shākahaiwui thili athumli Proho Jishuwui mingli ra̱hikmi.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 2:41

Awui tui khuikasanga mi saikorali ra̱hikmi kala chithanghon mi thingkathum sha̱kha ngarumsanga.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 20:25

Kala yanglu, ina wungram hāshok kahaia nathum saikorana ara iwui zakmai kathei masamphangluimarada ina thei.

OTSAK 28:31

Vare wungramwui pao hāshoka kala Proho Jishu Khristawui pongli sheikakhaut maleila phongshar eina tamchithei.

OTSAK 5:14

Chitha-ilala, mayarnaola, sha̱naola Proholi shitkasang mi ashang eina chungmeikharda ngarumsanghaowa.

OTSAK 8:4

Chitharan ngapha̱ kahaibing china apam kachida paokaphā tamchithei.

ROMNAO 10:10

Kaja ithumwui wuklung eina shitkasangwui vang mashungmi kala ithumwui khamor eina hangphata kahui samphang ngasaka.

1 CORINTHNAO 11:11

(Chithālala, Prohowuili shanaoranu, mayarnaola kachicha ningkhan masapaimana;

GALATIANAO 3:28

Chieina Jihudi eina Gentile, rao eina akhavā, sha̱nao eina mayarnao khangatei maleimana; Khrista Jishuli ngarumhaoda nathum akhamanga.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.