OTSAK 7:8 - Kathara Bible (BSI)

⁸ Chieina Varena Abrahamli tuingashitwui khudam sāda ahui rimkashokwui otsin mi. Abrahamna Isaacli pharākhuida hapta akhawui thili ahui rimshoka, kala Isaacna awui naomayara Jacobli pharākhui kala Jacobna ithumwui avākharar ngarā awui nao tharāda khani pharākhui.

OTSAK 7:8 Iomraidhean Croise

HAOKAPHOK 29:31

Leahli maningkachāng chi theida Prohona Leahwui naopam shomihaowa, kha Rachelva nao shumhaowa.

HAOKAPHOK 30:5

Bilhahna nao vaida mayarnao akha Jacobli pharāmi.

HAOKAPHOK 35:16

Chiwui thili athumna Bethelwui eina zatmamāna; athumna Ephrathli mavāshungnāla, katāda leilakha, Rachel nao ra̱haoda chotlakhaowa.

HAOKAPHOK 35:18

Ana thivānanai (kaja a thihaowa) ana nao chiwui aming Ben-oni phokmi; kha avāva̱na awui ming Benjamin hoi.

1 THOTRINCHĀN 1:34

Abrahamna Isaacwui avāva̱na. Isaacwui naomayarabing: Esau eina Israel.

MATTHEW 1:2

Abrahamna Isaacli, Isaacna Jacobli, Jacobna Judah kala achinā ngarāli pharai.

JOHN 7:22

Mosesna nathumwui naongarāli ahui rimshok khavai kasoi, (kachangkhatpāva Mosesna maningla nawo ngarāna haokaphokna) kala nathumna nanaongarali Sabbath zimiksholi ahui rimshoka.

OTSAK 2:29

“Ivānaobing, ina pinglak eina awo kharar Davidwui pongli hangshapa; kaja a thihaida kachizanla chizanhaira, kala awui chikhur aja eina tangda ithumwuili lei.

ROMNAO 4:10

Chithākha katharān ali khuisangmihaokhala? Chi ahui rimshok kahaiwui thilikā, mirimshokranglakhakhala? Chiya ahui rimshok kahaiwui thili maningla kha marimshokranglakhana.

GALATIANAO 3:15

Ivānaongarā, pailak kahai chānjam akha hangga, mi khanina kachikathā akha mayāngarokta tuingashit sālaga shoi sāngarok kahai tharan khipānakha chi masākhaipaimana lah mangarumsangluipaimana.

GALATIANAO 3:17

Ina kahāng hiya; Varena Abrahamli tuingashit sai kala chi mayonchingra da ngashithai. Zingkum shāmati thumrāwui thili khami ain china Varewui ngashitmi kahai eina tuingashit chi masākhairarmana.

HEBREWNAO 7:4

Chithākha a kayākha kahaka mikhala? Awo kharar Abrahamnala raili samkaphang sharuk tharāwui akha mi.