OTSAK 7:54 - Kathara Bible (BSI)

⁵⁴ Hangva̱naobing china Stephenwui tui chi nganālaga malungvātlakhaoda ahā kachetlaga yanga.

OTSAK 7:54 Iomraidhean Croise

JOBWUI LAIRIK 16:9

Ana ili awui malungkhavāt eina serkazamda ili ningkachai; ana ahāla tarichithei, yangkashena ili mik taringda yanga.

LAA 112:10

Makhayā mina theida malungvāta, ahā kachāta kala shimānhaowa, makhayā miwui ningkachāng khikha makhaning ngasahaowa.

LAA 35:16

Athumna ahā tarilaga ili marmei khangai marmeida mana̱shipama.

CHAPCHĀT 2:16

Nawui yangkashebingna ngashānyangda mana̱shi, athumna kasiya, ahā kachat-kachipa, athumna, “Ithumna ali sākhayāngmihaira! Iya, zimiksho hi ithumna honkasāna; ara ithumna hi samphangda; theihaira!” da athumna vaowa.

MATTHEW 13:42

kala athumli meifalungli horsanghaora. Chili athum kachapla chapra kala ahāla tarira.

MATTHEW 13:50

Kala athumli meifalungli horsanghaora; chili mibingna kachapla chapra kala ahāla tarira.”

MATTHEW 22:13

Chieina awunga china raobingli hānga, ‘Ali pheipāng khalaplaga tangkhamang ayarli horshokhaolu, apam chili mibingna kachapla chapra, ahāla tarira.’

MATTHEW 24:51

ali tandi mira kala phākakhaningbingli ngasoda hairumhaora; chili mibingna kachapla chapra, ahāla tarira.

MATTHEW 25:30

Kala makānkhanā rao chili tangkhamang ayar chili horshokhaora; chili mibingna kachapla chapra, ahāla tarira.’

MATTHEW 8:12

kha wungramwui naomayarabingli khamayara tangkhamang horshokhaora, apam chili athum kachapla chapra kala ahāla tarira.”

LUKE 13:28

Nathumna Vare wungramli Abraham, Isaac, Jacob kala marān saikora kathei tharan, kha nathumliva horshok kahai tharan nathumna kachapla chapta ahāla tarira.

OTSAK 5:33

Hangva̱naobing china hi kashā eina malungkangnāhaida paokazatbing chili shaothatngai.