OTSAK 7:32 - Kathara Bible (BSI)

³² ‘I navā ngarāwui Vare, Abraham, Isaac kala Jacobwui Vare china.’ Moses kathirriri ngacheenāhaoda mayanglengthuwa.

OTSAK 7:32 Iomraidhean Croise

HAOKAPHOK 26:24

Chithang ngayā Prohona ali rāchitheida hānga, “I navā Abrahamwui Varena; mangacheelu, kaja ina nali ngasomidalei kala somira kala iwui rao Abrahamwui vang eina nawui ara̱-azā mataisangmira.”

HAOKAPHOK 50:24

Kala Josephna achināngarāli hānga, “I thiki jihaira; kha Varena nathumli ngasomida, Abrahamli, Isaacli, Jacobli ngashit kahai lam chili, apam hiwui eina thānshokra.”

1 WUNGNAOBING 19:13

Akhon chi Elijahna kashā eina ana mai awui kachon eina fakhamlaga lungkhur chiwui zangkhavaipamli shoknganinga. Kala yanglu, ali akhon akha vaorāda hānga, “Elijah, na hili khi salikhala?”

JOBWUI LAIRIK 4:14

khangachee khangachā ili rāda kathirra, kala china iwui ara̱kui saikora nganuk ngasaka.

LAA 89:7

katharabingwui hanga̱pamli, ali kuikhamarei ngachaili awui thāda khayākakā khangamkharei khipā lei?

SHONGZĀ 3:15

Kala Varenala Mosesli hānga, “Israelnaobingli hithāda ahānglu, ‘Proho, navā ngarāwui Vare, Abrahamwui Vare, Isaacwui Vare, kala Jacobwui Varena ili nathumwuili chihokharāna’ hi katang makhavai iwui mingna,” nathumwui thot kachida ili phaningungki kajina.

SHONGZĀ 3:6

Kala ana hānga, “I navā ngarāwui Vare, Abrahamwui Vare, Isaacwui Vare, kala Jacobwui Vare china.” Kala Mosesna amai kafahaowa, kaja a Vareli yangki kaji ngacheehaowa.

SHONGZĀ 33:20

Kha,” ana hānga, “nana imai matheipaimara; kaja mina ili theilaga maringpaimana.”

SHONGZĀ 4:5

“Chi athumna Proho avāva̱ ngarāwui Vare, Abrahamwui Vare, Isaacwui Vare, kala Jacobwui Varena nali rāchitheihaira da shitsang khavaina.”

MATTHEW 17:6

Sākhangatha̱bingna chi kashā eina ngacheenāhaida ngakhumzangsera kala khakshingakhaowa.

MATTHEW 22:32

‘Iva Abrahamwui, Isaacwui kala Jacobwui Varena,’ Ishamei ava kathewui Vare maningmana, kha kharingawui Varena.”

MATTHEW 22:46

Kala mi khipānakha ali ngahankakā akhala mamirarthuwa, kala chithangwui eina thuida mi khipānakhala khangahānla masālengthuwa.

LUKE 5:8

Kha Simon Peterna chi kathei eina Jishuwui pheizingli ngakhumzangda hānga, “He Proho, iwui eina kathuimihaolu; kaja I morei kaphunga mina.”

OTSAK 3:13

Pilatena chihomihaoga kaji tharan nathumna mamayāmada khalan kahaia awui rao Jishuli, Abraham, Isaac, Jacob, kala ithumwui avāngarābingwui Varena tekmatei ngasakhaira.

OTSAK 7:31

Mosesna chi kathei eina matakhakhaoda mathāmeida yangkhui khavai nganaimeida vai. Kha Prohowui akhon ana shāhaowa.

HEBREWNAO 11:16

Kha athumna phākhamei ram, kazingramwui ramsom ningchānga. Chiwui vang eina athumna Vareli athumwui Vare kaho hili makhayakmana; kaja athumwui vang ana keinung akha ngarānmihaira.

PHONGKHAMI 1:17

Ali theilaga I kathi thada awui pheizingli pizanghaowa. Kha awui yāpāng ili parza̱da hānga, “Mangacheealu! I khare eina khanaowana,