OTSAK 6:7 - Kathara Bible (BSI)

⁷ Chieina Varewui tui ngayaovāshumda Jerusalemli sākhangatha̱bingwui mishān mataikhangai mataisanghaowa, kala pāngmon kachungkhala shitsanghaowa.

OTSAK 6:7 Iomraidhean Croise

2 THOTRINCHĀN 29:34

Kha pāngmonbingna teona kahaiwui vang rikkatāchigatwui sā saikora ahui mahemrarthuda, pāngmon kateibing matharmathengranglakha, achinā ngarā Levinaobingna ot chi makupranglakha eina tangda ngachonmi, kaja katharwui otsakli Levinaobingna pāngmonbingli ning ngatarmei.

2 THOTRINCHĀN 30:24

Kaja chigat khavai Judahwui awunga Hezekiahna mukkā thingkha, yao thingshini yaruili mi, kala wungnaobingnala mukkā thingkha kala yao thingtharā kazip chili mi. Chiwui vang pāngmonbing kachungkha tharmathengluishita.

LAA 132:16

Awui pāngmonbingli ina huikhami eina sāri ngavaimira; kala awui katharabingna khamathānwui vang vaora.

LAA 132:9

Nawui pāngmonbingna khamashung khangarong eina chonvai sāranu; nawui katharabing khamathānwui vang vaoranu.

MATTHEW 19:30

Kha arui khare kasābing kachunga naothuihaora kala khanaobingna rihaora.

LUKE 2:34

kala Simeonna somida ava̱va̱ Maryli hānga, “Yanglu, angangnao hi Israel kachungkha konglui khavai kala ngakarthui khavai, kala hānghaikasawui khudam sāda kapangkhui kahaina

JOHN 12:42

Chithālala Jihudiwui kathāna kachungkhana Jishuli shitsanga, kha Phariseebingna khorumshimwui eina khuishokhaipaishina da phonglāk eina athum mamatuilengmana.

OTSAK 12:24

Kha Varewui tuiva mataisangda chungmei ngayaovai.

OTSAK 13:8

Kha meowor kathema Elymas (Chi Greek tuiwui amingna)na athumli mamayāmana kala governorli shitkasang chili mazang khavai khangarān sai.

OTSAK 14:22

Anina shitkasangabingli pangsang ngasaka kala khamashunga shitkasang chili mangacheilakla leiching khavai kasatsanga, kala “Vare wungramli zangkida ithumna kachotkachāng kachungkha phungphalungra” da tamchithei.

OTSAK 19:20

Hithada sāda Prohowui paokaphā hi reisangmamānda ngayaokhangai ngayaohaowa.

OTSAK 2:47

Kala Vareli sochikatta mi saikorana ngahānngai. Huimi kahai mi Prohona athumli thangthang ngarumsangmichinga.

OTSAK 21:20

Athumna chi shālaga Vareli masochikata. Chieina athumna hānga, “Ivānao Paul, Jihudi thing kayākhana shitsanghaira kala athum ainli kayākha ningtongkhala kaji nana theipaira.

OTSAK 6:1

Chitharan sākhangthābingwui mishān mataisangmamān kaji eina Greek khamatui Jihudibingna athumwui ra̱meinaobingli thangthangwui kashakazā mathada mayangkhamiwui vang Aramaic khamatui Jihudibingli maringkaphā tui matuiphoka.

ROMNAO 1:5

Miyur saikorali shitkasang kala kahāng khanganāli thānsangmi khavai Khristawui mingwui vang awui mangā eina ili paokazata akha sāngasaka.

ROMNAO 16:26

Kha marānbingna kapi kahai chiwui eina khamashung chi theingasakhaira, chiwui vang eina yur saikorana ali shitsang khavai kala kahāng nganā khavaina.

GALATIANAO 1:23

Kha hithada mina khamatui ithumna shai, chiya, “Ithumli rekharekkasāpā china, atam akhali shimān ngasakngaikasā paokaphā chi ana tamchitheida lei.”

GALATIANAO 6:10

Chiwui vang eina ithumna sāpaida leilakha mi saikorali kaphā sāmisersa, mataimeikapta shitkasang khangarumbingli sāmisa.

COLOSSIANAO 1:6

Nathumna Varewui lukhamashan pao shāthanghon kala chi mashunga da theikhuithanghon eina thuida paokaphā hina sokhami khuirāmichingda lei kala okathui apam saikoralila ngayaovāda lei.

2 THESSALONICANAO 1:8

Vareli makhuikasangbing kala ithumwui Proho Jishu Khristawui paokaphāli makhanganābingli tandi mira.

2 TIMOTHY 2:9

Paokaphā hākashokwui vang ina kachotkachāng phunga kala yomnao thada marikhanghui sanga. Kha Varewui tui chiya manarhaipaimana.

HEBREWNAO 11:8

Shitkasang mangā eina Abrahamna Varewui kaho nganāda ngashit kahai ngalei chi samphang khavai, ana kali vānikhala kaji matheila zata,

HEBREWNAO 5:9

Kāshungchao ngasak kahai tharan awui kahāng khanganābing saikorawui vang katang makhavai huikhamiwui ura̱ok ngasāhaowa,

JUDE 1:20

Kha leikashebing, nathumwui kathara shitkasang chi reisang khavai sālu, kala Manglā Katharawui pangshap eina ngasoda seihā sālu.

JUDE 1:3

Leikashebing, ithumna samphangrumda khalei huikhamiwui pongli kapingailakhaoda, katharabingli metkhakashi eina vaikahai shitkasang chiwui vang ngarar khavai nathumli kapo hi darkar salakhaowa.