OTSAK 5:41 - Kathara Bible (BSI)

⁴¹ Jishu mingwui vang athumna kakhayak samkaphang chi khangayi otna da theikhamiwui vang mathānthup eina athumna hanga̱shim eina thuihaowa.

OTSAK 5:41 Iomraidhean Croise

ISAIAH 51:7

“Khangarong kathei nathum, ili nganālu, wuklungli iwui ain khalei mibing, miwui kakhararli mangacheealu, kala athumwui khamashātli ning masuitaalu.

ISAIAH 61:10

Prohowui lungli ina mathānlakra, Iwui Varewui lungli imanglāna sochikatra; kaja ana ili huikhamiwui kachon ngavaimi, khamashung khangarongwui sāri shaksāmi, ngalā shakazāpāna awon khangachā thāda, shakazā ngalāva̱na sāri khongnang shakasā thāda.

ISAIAH 65:14

yanglu, iwui raobingna ning khamathānwui vang laa sāra, kha nathum ningkachotwui vang chapra, kala manglāli khangahuiwui vang sifara.

ISAIAH 66:5

Prohowui tui nganālu, awui tuili kakathira nathum; “Imingwui vang ningkachaida nathumli horshok kahai nachinā ngarāna hānga, ‘Proholi tekmateiranu, chieina ithumnala nathumwui ringkaphā chi theira; kha maishi ngasakki kaji chi athumlina’.

LUKE 6:22

“Miwui Naomayarawui vang eina nathumli ningkakachai, mahei kahai, kachipat kala nali aming phorphāphāda kazei tharan sokhami ngasāranu!

JOHN 15:21

Kha iwui vang eina athumna nathumli saikora hi sāra, kachiwui vangkhala kaja athumna ili kashirāta chili matheimana.

OTSAK 21:13

Chieina Paulna ngahānkai, “Nathumna kachapla chapta iwui ning kaikhavai kasā hi khiot khala? Iva ili phātop kasangmāng maningla, Proho Jishuwui vang Jerusalemli thihaoga da khaleina.”

OTSAK 5:21

Athumna tui chi shāda kazing kathang eina khorumshimli atamchitheiphoka. Chitharan pāngmon kharei eina ali khangasobing china hanga̱ kazipngarum khavai Jihudiwui ararbingli hokhui, kala paokazatbing chili akhui khavai phātop shimli mi chihovai,

ROMNAO 5:3

Chili lāngda ithumna kachotkachānglila ringphai, khikhalajila ithumna thei kaja kachotkachāngwui eina khāngkathei shoka,

2 CORINTHNAO 12:10

Khristawui vang khangazan, maikashi, kakhanang, rekakharek kala kasak saikora ina phungngailaka. Kaja khangazan tharan pangshap samphanga.

PHILIPPINAO 1:29

Khristali shitkasangmāng maningla kha awui vang kachotkachāng phungda otram ngatha̱ khavai nathumli atam kachā mihaira.

HEBREWNAO 10:34

Phātop kazangbingli nathumna chotruma, kala nathumwui ot ngapaithuihailala kashimān chiwui vang ringphai, kaja makashimān kala phākhamei lan ngarānhaida lei kaji nathumna thei.

HEBREWNAO 12:2

Haokaphok eina thuilaga akatang eina tangda ithumwui shitkasang phumhaiki kaja Jishuli yangchingsa. Ana krushli ngacheeda mayāmmana! Kha ali ngaraida khalei khamathān chiwui vang, krushtungli kathiwui maishātli ana khikha mahengsangmimana, kala ara Varewui wungpamkhong yāshong pamda lei.

JAMES 1:2

Ivānaobing, chāng khayang yur saikora, nathumna samkaphang tharan ka̱lā khamahaina da shānkhuilu.

3 JOHN 1:7

Khristawui otram ngatha̱ khavai mashitkasangbingwui eina khikha makhuilakla athum zatthui kahaina.