OTSAK 5:13 - Kathara Bible (BSI)

¹³ Athum phāya da mibingna ngazeklala mi khipānakha athumwui alungli mavāzanglengmana.

OTSAK 5:13 Iomraidhean Croise

1 WUNGNAOBING 17:18

Chieina ana Elijahli hānga, “O Varewui mi, iwuitungli khi makhamayā leihaokhala? Iwui morei phaningung khavai, kala iwui nao thikhavai kharāla!”

ISAIAH 33:14

Zionli khalei morei kaphungbing ngacheehaira; Vare makatheibing nganukhaira: “Ithumwui ngachaili khipāna chuida khalei meili okthuirumshapra? Ithumwui ngachaili khipāna khamit makhavai meili okthuirumshapra?”

LUKE 19:48

Thālala apong akhala masamphangthuwa kaja mi saikorana awui tamkachithei chi ningsanglak eina nganāngaichinghaowa.

JOHN 12:42

Chithālala Jihudiwui kathāna kachungkhana Jishuli shitsanga, kha Phariseebingna khorumshimwui eina khuishokhaipaishina da phonglāk eina athum mamatuilengmana.

JOHN 19:38

Hiwui thili Arimatheawui Joseph, Jihudibingli ngacheehaida ngathumda Jishuwui sākhangatha̱ sākasapā china Jishuwui aphasā makhuipairakhala da Pilateli apoi. Pilatena awui phasā khuipaira da mayāmihaoda Josephna vālaga aphasā chi akhui.

JOHN 9:22

Ava̱ eina avāva̱na Jihudibingli khangacheewui vang chithada hāngkahaina, kaja Jishuli Khristana da hāngkaphata chili synagoguewui eina aming katathaora da Jihudibingna mayā khangarok sahairasai.

OTSAK 19:17

Ephesusli kapam Jihudinaobing eina Greeknaobingna chi shālaga ngacheelakhaowa, kala Proho Jishuwui mingli mataimeida masochikata.

OTSAK 2:47

Kala Vareli sochikatta mi saikorana ngahānngai. Huimi kahai mi Prohona athumli thangthang ngarumsangmichinga.

OTSAK 4:21

Chi kahāng eina athumna mibingli khangacheewui vang, anili kashong lāngkhavai shongfa masamphangthuda hāngmachinlaga thuingasakhaowa. Chi mi saikorana theilaga Vareli masot chikata.

OTSAK 5:26

Chieina akhavā china kashinabingli ngasovālaga athumli akhuiluishita, kha mibingna lunggui eina horpaishina da khangacheewui vang zakshilāk eina masāmana.

OTSAK 5:5

Ananiasna tui hi kashā eina kongluisangda thihaowa, kala kashā saikorana ngacheelakhaowa.

2 CORINTHNAO 10:15

Ithumna maningla chi khangateina ot kasā chiwui vang ithumna malāngsomana. Kha nathumwui shitkasang mataisangda nathumwui ngachaili Varena mikahai luiyam chi ithumwui kachihāna.