OTSAK 4:34 - Kathara Bible (BSI)

³⁴ Athumwui alungli khavāta mi akhala maleisāmana, kaja atam atamli shimla luila khaleibingna chi yorhailaga samkaphang pheisā saikora khuiungda,

OTSAK 4:34 Iomraidhean Croise

MATTHEW 19:21

Jishuna ali hānga, “Nana peichaongaiakha, ungulu, laga nawui khalalei saikora yorserhailaga kachāmnaoli mihaolu. Chieina kazingramli nawui lan leira. Chiwui thili rāda ithi shurlu.”

MARK 10:21

Jishuna ali yangtitlaga leishida hānga, “Nawui khavāt akha lei; ungulu kala nawui khalalei saikora ungyorhailaga kachāmabingli mihaolu, chithākha kazingramli nawui lan kaziphaira; kala rāda ithi shurlu.”

LUKE 12:33

Nathumwui khalalei lan yorhaolu kala kathai-kachāmbingli milu; nathum khalatta kakān makhavai pheisākhao sākhuilu kala nathumwui lan chi kakānla mavailuiki kaji kazingramli phārihailu. Chili khalenala maleethuirarmara kala magungnala mazāmara,

LUKE 16:9

Kala ina nathumli kahāngna, “Nathum khalatta makathar okathuiwui lan eina ngasotnao phākhui, chithākha lan chi shimān kahai tharan athumna nathumli makashimānpamli zangngasakra.

LUKE 22:35

Chieina ana athumli hānga, “Ina nathumli lupākhaola, paidula, pheihopla mazangla chihokhavā tharan nathum khikha khavāt leihaolā?” “Khikha khavāt maleimana” da athumna ngahānkai.

OTSAK 2:45

Athumwui khalalei lan, thongthāng saikora yorhaida kachikathāthā khavātabing saikorali ngayarmi.

OTSAK 4:37

awui lui yorhailaga samkaphang lupā chi paokazatbingwui pāngli horsangmi.

2 CORINTHNAO 8:14

Kha aruihon nathumwui tarākha khalei athishurda khangazanbingli ngachonngayiya. Athumna tarākha khalei tharan nathumwui makhalei atamli ngachonmira. Chithada sāda khanini ngaraichai.

KHALATLUI 2:7

Khikhalajila nathumwui kasāsā saikorali nathumwui Proho Varena nathumli somihaira; nathumna khamashā lamhāngli kasāngkha kazatla ana thei; kum hangmati hili Proho nathumwui Varena ngasomida nathum khikha mavātlakmana.’

1 THESSALONICANAO 4:12

Chithākha nathumli mashitkasangbingna khayāshira kala nathum khipālikha mapozāmara.

1 TIMOTHY 6:19

Chithākha athum khalattawui vang anaolamshongwui kaphā shimphung sākā kahaina. Chieina kachangkhat athumna mirinwui kharing chi samphangpaira.

JAMES 1:27

Varivara kala Avāva̱wui mangāli kashenga kala khamakhao makhalei dharma chi: marānao eina ra̱meinaowui kakhanangli yangkhami kala okathuiwui khamakhaoli makazang hina.