OTSAK 4:30 - Kathara Bible (BSI)

³⁰ Raimi khavai napāng katingshokmilu kala nawui kathara rao Jishuwui ming kasing mangā eina matakhak kahai kala machutkakhui sapai khavai mayāmilu.”

OTSAK 4:30 Iomraidhean Croise

SHONGZĀ 6:6

Chiwui vang eina Israelnaobingli hānglu, ‘Proho chi ina, kala Egyptnaobingwui kachotkachāng otphunwui eina ina nathumli thānshokra, kala nathumna narkahaiwui eina shokra; kala ipāng katingda mashun bichar sāda nathumli ngatangkhuira.

JEREMIAH 15:15

“O Proho, nana katheina; ili phaningungda ngachonmilu, kala ili rekakharekbingli iwui vang athut khuimilu. Nana khāngkatheiwui alungli ili makhuithuimilu; namingwui vang ina miwui malungkhavāt samkaphangna kaji katheimilu.

JOHN 4:48

Chieina Jishuna ali hānga, “Nathum hiya machut kala matakhak kahai otsak matheiranglakha eina tangda mashitsangmana.”

OTSAK 2:22

“Isrealnaobing, tui hi nganāmilu, Nazarethwui Jishu hi Varewui ngasokhami mangā eina nathumwui ngachaili hakkhamahā otla, matakhak kahaila kala machutkakhui otla kasā nathumna theihaira.

OTSAK 2:43

Paokazatbingwui mangā eina matakhak kahai machutkakhui kachungkha sāda mi kachiva̱wuitungli khangachee rai.

OTSAK 3:13

Pilatena chihomihaoga kaji tharan nathumna mamayāmada khalan kahaia awui rao Jishuli, Abraham, Isaac, Jacob, kala ithumwui avāngarābingwui Varena tekmatei ngasakhaira.

OTSAK 3:16

Awui mingli shitkasang china nathumna theida khalei mipa hili pangngasakhaira, kala Jishuwui mangā eina shitkasang china nathum saikorawui mangāli awui phasā pongngasakhaira.

OTSAK 3:6

Kha Peterna hānga, “I sinala, lupāla maleimana, kha iwui khalei chi nali khamina, Nazarethwui Jishu Khristawui mingli ina nali ngakarthuida zatlu da kakasona.”

OTSAK 4:10

hi nathum saikora, kala Israelwui mi saikorana theikhuiranu kaja nathumna krushli shaothat kahaia kala kathiwui eina Varena ringlui ngasak kahaia Nazarethwui Jishu Khristawui ming chiwui pangshap eina mipā hili raimihaida nathumwui mangāli nganingli.

OTSAK 4:27

Kaja nana thao neomi kahai nawui rao kathara Jishuli yuishida, Herod eina Pontius Pilatena Gentilebing eina Isrealnaobingli ngasoda keinung hili kazip kachangkhata;

OTSAK 5:12

Chitharan paokazatbingwui pāng eina mibingwui alungli matakhak kahaila kala machutkakhuila tarākha sai kala athum saikorana Solomonwui khāmreili kazipruma.

OTSAK 6:8

Varewui lukhamashan kala pangshapna pemting kahai Stephenna mibingwui ngachaili matakhak kahai kala machut tarākha sai.

KHALATLUI 4:34

Maningakha akhalattawui vang yur akhali khangatei yur akhawui eina chāng yangda, matakhak kahai masākharar khudam eina, tekhamatei eina, kala rai eina, kapanga pāng eina pāngthei katingshokta, lah kahaka khangachee otsak eina, nathumwui miktāli Egyptli nathumwui vang Proho nathumwui Varena ot saikora sākhami thāda kachikathā vare akhana sāmiyanghairala?