OTSAK 4:26 - Kathara Bible (BSI)

²⁶ Okathuiwui awungabingna ngaranda, kala khamungabing kazip ngarumda, Proho kala awui Thaoh neomi kahaiali yangshi.’

OTSAK 4:26 Iomraidhean Croise

LAA 2:1

Yurbingna khisāda tui suikhala, kala mibingna khisāda aremali makaphā ngarānkhala?

LAA 2:2

Okathuiwui awungabingna athum khalatta chipama, kala ngalei khamungbingna tui ruma, Proho eina awui thao neomi kahaiali mamayāla hānga,

ISAIAH 7:7

Proho VAREna hānga, chithāda mashokmara, ungkashungla maungshung mara.”

DANIEL 9:24

“Nawui mibing kala nathumwui kathara keinungwui pongli khalāng ot kasāwui eina ngalat khavai, morei kasā tangkhavai, kala pheomi khavai, katang mavaila khamashung khangarong samphang khavai, khamahātui eina marāntui khanini mahor namkhavai, kala tharmathengmeikap kajepam chi thao neomi khavai atam, zingkumwui haptā hangshini kakmihaira.

LUKE 4:18

“Prohowui Manglā chi iwuitungli lei. Khikhalajila kachāmabingli paokaphā hashok khavai, ana ili thao neomihaira. Narkahaibingli chihomi khavai, khangapeobing theiluishit khavai, chāngkhareng kahaibing ningkhān khavai.

OTSAK 10:38

Nathumna Nazarethwui Jishuwui pongli kala kathada Varena awuitungli Manglā Kathara kala pangshap heirormikhala kaji thei. Ana apam saikorali vāda kaphā ot sai kala kameo kazangbing saikorali raimi, kaja ali Varena ngasomi.

HEBREWNAO 1:9

Nana khamashungli leishi kala khanguili ningkachai. Chiwui vang eina Vare, nawui Varena nawui ngasotnaobingli lāngmeikharda ringkaphāwui thao chi nali neomihaira.”

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

PHONGKHAMI 12:10

Chiwui thili kazingramli panglāk eina vaoda kahāng ina shai: “Ara Varewui huikhami rāhaira! Ara Varena awunga thada pangshap chitheihaira. Ara awui Khristana awui sāshap pangshap chitheihaira. Varewui mangāli ngashun ngayā mateila ichinā ngarāli khayon kaphenapa chili kazingramwui eina horshokhaira.

PHONGKHAMI 17:17

Khikhalajila Varena awui sāki kaji ot wungshung khavai athumwui ningli sangmihaira, kaja Varena hāngtā kahai maungshungranglakha eina tangda, athum khokkha sāda sāyur chiwuitungli pangshap horsangmira.