OTSAK 4:10 - Kathara Bible (BSI)

¹⁰ hi nathum saikora, kala Israelwui mi saikorana theikhuiranu kaja nathumna krushli shaothat kahaia kala kathiwui eina Varena ringlui ngasak kahaia Nazarethwui Jishu Khristawui ming chiwui pangshap eina mipā hili raimihaida nathumwui mangāli nganingli.

OTSAK 4:10 Iomraidhean Croise

DANIEL 3:18

Chimathāsalala, O awunga! nana sākakhui sināwui mima̱ hili ithum otram mangatha̱mara kala makhorumara da theilu.”

MATTHEW 2:23

Ana Nazareth kaho keinung akhali vāpāna, chi marānbingna “Ali Nazarene hora” da hāngmarānhaikasā chi ungshung khavaina.

LUKE 18:37

Athumna ali ngahānkai, “Nazarethwui Jishu rārāda lei.”

OTSAK 2:32

Varena Jishuli ringkhangasak ithum saikorana shākhina.

OTSAK 2:36

“Chiwui vang eina, nathumna krushli shaothat kahaia Jishu hili Varena Prohola, Khristala sāngasakhaira kaji hi Isrealnao saikorana theikazazakhairanu.”

OTSAK 28:28

Chiwui vang eina ina nathumli theingasakkhangai chi hina, Varewui huikhami tui chi Gentilebingli shivāthaira; athumna khuisangra.

OTSAK 3:6

Kha Peterna hānga, “I sinala, lupāla maleimana, kha iwui khalei chi nali khamina, Nazarethwui Jishu Khristawui mingli ina nali ngakarthuida zatlu da kakasona.”

ROMNAO 1:4

Varewui tharkhamathengshong einava kathiwui eina ringkashokwui vang ali pangshap khaleia Varewui Naomayara ngasā ngasaka.