OTSAK 3:8 - Kathara Bible (BSI)

⁸ Ngakarthuida ana ngalonglaga zatung zatvai; kala Vareli masot chikatta khorumshimli anili ngasozanga.

OTSAK 3:8 Iomraidhean Croise

ISAIAH 35:6

Phei kathākana chaonao thāda ngalongra; khangasha̱bingnala male eina laa sāra. Kaja lamhāngwui eina tara̱ shokra, kala siwukli kong longra.

LUKE 18:43

Chieina ana ngalāngda kathei samphangda Vareli masot chikatta athi shurthuwa; kala mi saikorana chi kathei tharan Vareli masochikata.

LUKE 6:23

Chithang ringphālu kala mathānda ngalongkālu, khikhalajila yanglu, kazingramli nathumwui sāman haklaka, kaja athumwui avāva̱ ngarānala marānbingli chithada sai.

JOHN 5:14

Khaleilaga Jishuna ali khorumshimli samphangda hānga, “Yanglu, ara na phāhaira. Morei masāluialu, chithākha nawuitungli khikha zakshikhamei mashokluimara.”

OTSAK 14:10

Paulna ali hānga, “Ngatartei eina nganinglu.” Ana ngalongkāda zata.

OTSAK 19:16

Chipee kazanga mi china athumli yongrorda nganurhaowa kala athumli sakchanglak eina nganurda athumli yuihaowa. Athum khamā za̱da kashankachonla mangavaila khamahong eina shim chiwui eina yongthuihaowa.

OTSAK 3:7

Chiwui thili awui yāpang singkhuida khāngkhamathot eina ngalāngda awui phei, pheimikra̱ sheikasha̱ chi phāhaowa.