OTSAK 3:26 - Kathara Bible (BSI)

²⁶ Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

OTSAK 3:26 Iomraidhean Croise

LAA 72:17

Aming leichingranu, zimik leilakha eina tangda awui ming zatchingranu! Awui ming eina mibing athum khalatta soranu, yur saikorana ali somi kahaia horanu.

JEREMIAH 31:18

Ephraimna khangahui ina shai, makharāk seinao thāda, nana ili machinmihaira; ili khuisangmilui khavai kathānungmilu, kaja na iwui Vare Prohona.

MATTHEW 1:21

Ana naomayara akha pharāra, nana awui ming Jishu phokra, kaja ana awui mibingli athumwui moreiwui eina huikhuira.”

MATTHEW 15:24

Jishuna ngahānkai, “Ili shimān kahai Israel shimkhurwui yaonaobingwui vāngmang shirātkharāna.”

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

JOHN 4:22

Nathum Samarianaona khipāli khokharumkhala da matheimana, kha Jihudi ithumna khipāli khokharumkhala da thei, kaja huikhame hi Jihudiwui eina rai.

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 13:26

“Ivānaongarā, Abraham shimkhurwui naobing kala nathumwui ngachaili Vareli khangacheebing, huikhami chānpao hi ithumli shirātrāmihaira.

OTSAK 2:24

Kha Varena ali kathiwui kachotkachāng eina khalāmihaida ringngasakhaowa. Kathiwui pangshap china matuknarrarmana.

OTSAK 2:32

Varena Jishuli ringkhangasak ithum saikorana shākhina.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

OTSAK 3:13

Pilatena chihomihaoga kaji tharan nathumna mamayāmada khalan kahaia awui rao Jishuli, Abraham, Isaac, Jacob, kala ithumwui avāngarābingwui Varena tekmatei ngasakhaira.

OTSAK 3:15

Kharingawui akhavāli nathumna shaothathaowa, kha Varena kathiwui eina ali ringngasaka, hiwui shākhi ithumna.

OTSAK 3:20

Chieina Prohowui eina manglāwui pangshap samphangra kala kapang kahaia Khristala kaho Jishuli nathumwui vang chihorāpaira.

OTSAK 3:22

Kaja Mosesna hānga, ‘Ili chihokharā thada Proho Varena nachinā marān akha chihorāra. Ana kahāng saikora nathum nganāphalungra.

OTSAK 3:25

Nathum marānbing kala Varena tuingashit mikahai navā ngarāwui naongarāna, kaja Abrahamli hithada hānga, ‘Nawui ara̱-azāwui mangā eina okathuili khalei shimkhur saikorali somira.’

ROMNAO 1:16

Ina paokaphāwui vang makhayakmana, khikhalajila hi shitkasanga mi kachiva̱li, rimeikapta Jihudibingli kala Gentilebinglila huimi khavai Varewui pangshapna.

ROMNAO 15:29

Ina nathumli kharā tharan Khristawui eina samkaphang hakkhamahā sokhami chi rāhāngchitheira.

ROMNAO 15:8

Ina nathumli kahāngna kaja Varewui ningkatong kala awo-ayibingli ngashitmi kahai chi ungshunga da theikhavai Khristana Jihudibingwui mahut sāda otram ngatha̱mi.

EPHESIANAO 1:3

Ithumwui Proho Jishu Khristawui Vare kala Avāva̱li ningshisa! Kaja ithumna Khristali khangarumwui vang kazingram katha apuk-apaga hili ithumwuitungli manglāwui sokhami kachungkha heirormihaira.

1 PETER 1:3

Ithumna Proho Jishu Khristawui Avāva̱ Vare chili ningkashi misa! Khikhalajila Jishu Khristali kathiwui eina ringlui khangasak mangā eina ithumli awui hakkhamahā leikashiwui alungli mirin kadhar mihaira. China ithumli kharing kachihān chipemmi.

1 PETER 3:9

Makaphāwui vang makaphā masaalu, khonkashiwui vang makhonshialu, kha somitha̱lu, khikhalajila nali hokhuithang Varena sokhami hi ngashitsang kahaina.

JUDE 1:24

Ara kongluipaishinada mayonkhame, tekhamateiwui mangāli chukhara̱ maleila mathānthathup eina thānzangkhame,