OTSAK 3:18 - Kathara Bible (BSI)

¹⁸ Kha Varena awui marānbing saikorawui khamor eina Khristana kachotkachāng phungphalungra da rida hāngkahai chi ana ungshung ngasakhaowa.

OTSAK 3:18 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

ISAIAH 50:6

Kashaobingli ina khumkhor ngareimi, morhā kachichaibingli iwui maisor ngareimi; mashora mashokharor kala kakhayakwui eina imai mathumhaimana.

DANIEL 9:26

Haptā hangtharukta khaniwui thili thao neomi kahai akhali katathaida khikha maleimara; kala rāki kaje wungnaowui mibingna keinungla, kathara shimla sākazamhaora, khangachang atam chi tara̱ kaphong eina ngasorāra, kala khangachangli rai shokra; ramkachola khak tāhaira.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

OTSAK 10:43

Marān saikoranala awui pongli shākhi sai kaja ali shitkasanga mi kachiva̱na awui ming chiwui mangā eina morei pheokhami samphangra.”

OTSAK 2:23

Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

OTSAK 28:23

Chieina athumna Paulli langkasa̱ akha sai kala chithang ana kapam apam chili mi kachungkha rākazipa. Ana ngathor eina thuida ngazin vāshungda Vare wungramwui pongli meikhaichithei kala Moseswui ain lairik kala marānbingna kapi kahaiwui eina khuishoklaga athumli Jishuwui pongli meisā eina tamchithei.

2 PETER 1:21

Kaja khamarān hi miwui ning eina haokaphok maningmana, kha Manglā Katharana kasatmilaga Varewui eina kharā tui chi mikumona khamatuina.

PHONGKHAMI 19:10

Chieina ina ali khorum khavai ngakhumzanga kha ana ili hānga, “Chi mathāpaimara! ila na thada kala Jishuwui vang shākhi kasā nachinā ngarā thada otram ngatha̱kharuma akhana. Varivarali khorumlu.” Khikhalajila Jishuwui shākhi chi phongkhamiwui manglāna ngashitkhami chilaka.