OTSAK 3:13 - Kathara Bible (BSI)

¹³ Pilatena chihomihaoga kaji tharan nathumna mamayāmada khalan kahaia awui rao Jishuli, Abraham, Isaac, Jacob, kala ithumwui avāngarābingwui Varena tekmatei ngasakhaira.

OTSAK 3:13 Iomraidhean Croise

SHONGZĀ 3:13

Kha Mosesna Vareli hānga, “Ina Israelnaobingli ‘Navā ngarāwui Varena ili kachihona,’ da akahāng chitharan athumna, ‘Awui aming khipa hokhala?’ da ngahānakha ina khi ngahānkārakhala?”

SHONGZĀ 3:15

Kala Varenala Mosesli hānga, “Israelnaobingli hithāda ahānglu, ‘Proho, navā ngarāwui Vare, Abrahamwui Vare, Isaacwui Vare, kala Jacobwui Varena ili nathumwuili chihokharāna’ hi katang makhavai iwui mingna,” nathumwui thot kachida ili phaningungki kajina.

SHONGZĀ 3:6

Kala ana hānga, “I navā ngarāwui Vare, Abrahamwui Vare, Isaacwui Vare, kala Jacobwui Vare china.” Kala Mosesna amai kafahaowa, kaja a Vareli yangki kaji ngacheehaowa.

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

MATTHEW 20:19

Kala ali mana̱shi khavai, ngaphit khavai kala krushtungli shaoshān khavai Gentilebingwui pāngli horsangmira; kala kakathumathang ali ngakarthuilui ngasakhaora.”

MATTHEW 22:32

‘Iva Abrahamwui, Isaacwui kala Jacobwui Varena,’ Ishamei ava kathewui Vare maningmana, kha kharingawui Varena.”

MATTHEW 27:2

Athumna ali khalaplaga shimenthuihaowa kala Romewui governor Pilateli khuivāmihaowa.

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

MARK 15:11

Kha pāngmon akhokabingna yaruibingli Barabbasli chihomi khavai kasata.

LUKE 22:57

Kha ana mamayāmada hānga, “Sha̱nao, I ali matheimana.”

LUKE 23:4

Chieina Pilatena pāngmon akhokabing eina yarui ashangva̱ chili hānga, “Mipā hiwui khayon khikha masamphangmana.”

LUKE 6:37

“Bichar masaalu chithākha nathumlila bichar masāmara; khayon mamialu chithākha nathumlila khayon mamimara; pheomilu chithākha nathumlila pheomira;

JOHN 12:16

Chitharan sākhangatha̱bingna matheisāmana, kha matakhak eina Jishuna ringkhalui tharan kathara tuili hānghaikasā athishurda athumna kasāna kaji phaningkhuinaowa.

JOHN 18:40

Athumna panglāk eina vaoluishita, “Mipa hi maningmana; kha Barabbaslina!” (Barabbas hi pha̱ma̱kashao mina).

JOHN 19:11

Jishuna ali ngahānkai, “Varena nali khami chiwui vangmāng nana iwuitungli pangshap khaleimaya. Chieina ili nawui pāngli horsangkhame mibing chiwui morei hakmei.”

JOHN 19:12

Pilatena tui chi shālaga Jishuli chihomi khavai khangarān sai. Kha Jihudibingna “Nana ali chihomihaiakha, na Caesarwui ngasotnao maningmana, awunga sākhavai khangarān kasā mi chi Caesarli yangkashina” da vaowa.

JOHN 19:15

Athumna vaoda hānga, “Ali khuithuihaolu, ali khuithuihaolu, krushtungli shaoshānhaolu!” Pilatena hānga, “Nathumwui Awungali krushli shaoshān ngasakngaila?” Pāngmon akhokabingna ngahānkai, “Ithumwui awunga Caesar maningla khangatei maleimana.”

JOHN 7:39

Hi ali shitkasangbingna samphangki kaji Manglāwui tui kahāngna. Kaja Jishuna tekhamatei eina maringshokrangsāthuda Manglā chi mamirangsai.

OTSAK 22:14

Ana hānga, ‘Ithumwui avā ngarāwui Varena awui kaphaning theikhavai, Khamashungapā chi theikhavai kala akhalattawui akhon eina khamatui chi shākhui khavai nali kapangkakhuina;

OTSAK 24:14

Kha ina hi mayai, athumna mamashungmana kaji Apong chili shurda ina ithumwui avā ngarāna khokharuma Vare chili khoruma. Kha Moseswui ain lairikli kapi kahai saikora chili ina shitsanga kala marānbingna kapi kahai chilila shitsanga.

OTSAK 3:12

Chi theida Peterna hānga, “Isrealnaobing, hili khisāda matakhakhaokhala, iniwui pangshap lah khamathā eina ali zatngasak kahai thada khisāda inili matakhak eina yangtitlikhala?

OTSAK 3:26

Varena awui rao chi kapangkhuida, mi kachiva̱na makaphā-makhayāwui eina mai ngareiungda sokhami samphang khavai rimeikapta nathumwuili chihorai.”

OTSAK 4:27

Kaja nana thao neomi kahai nawui rao kathara Jishuli yuishida, Herod eina Pontius Pilatena Gentilebing eina Isrealnaobingli ngasoda keinung hili kazip kachangkhata;

OTSAK 4:30

Raimi khavai napāng katingshokmilu kala nawui kathara rao Jishuwui ming kasing mangā eina matakhak kahai kala machutkakhui sapai khavai mayāmilu.”

OTSAK 7:32

‘I navā ngarāwui Vare, Abraham, Isaac kala Jacobwui Vare china.’ Moses kathirriri ngacheenāhaoda mayanglengthuwa.

ROMNAO 9:5

Athum mingkhamayanga Jihudi yurwui awo-ayibingwui ara̱-azāna kala Khrista hi phasāwui pongli athumwui yurna. Saikorawuitungli khamunga Vareli katang mavaila sochikatchingranu! Amen.

HEBREWNAO 2:9

Kha Varewui lukhamashan mangā eina mi kachiva̱wui vang thimiki kaje atam kasha̱khawui vang kazingraoli nemmeida sākahai Jishuli ithumna thei. Kathiwui kachotkachāng phungkhamiwui vang tekhamatei kala khayākakā eina kuihon sāda ngahonmi kahai chi ithumwui mik eina thei.

PHONGKHAMI 1:18

kala kharing chi Ina; I thihailaga, yanglu ara mashimānda ringdalei kala Kathi eina Kazeiramwui pangshap lei.

PHONGKHAMI 1:5

kala ningtongda shākhi sākhame Jishu Khrista, kathiwui eina pharākhare kala okathuili awungabingli khamungawui eina lukhamashan kala chingri kahai ngasāranu. Ana ithumli leishi kala awui thikhamiwui pha̱kaphayā eina ana ithumli moreiwui eina ningkhān ngasakhaira.