OTSAK 3:10 - Kathara Bible (BSI)

¹⁰ kala khorumshimwui Khamathā Ngavei kaho chiwui pheili pokapama chipāna da theihaoda ali kathada rāshokmamei kahaikhala da mibingna phaninglaga matakhakhaowa.

OTSAK 3:10 Iomraidhean Croise

MATTHEW 14:35

Kala apam chiwui mibingna ali Jishuna da kathei eina kuikhamareili khalei kha̱bingwui eina kakazā mi kachungkha khuirai,

LUKE 4:36

Mibing chi matakhakhaida akha eina akha ngazek ngarokta, “Hi khitui khala? Ana sāshap pangshap eina makathara manglā chili kakaso eina athumnala yāmshokli” da matuiya.

LUKE 9:43

Varewui tekhamatei sāshap pangshap chi theida mi saikora matakhakhaowa. Kha ana sākahai saikora chi matakhak eina machuklakha Jishuna awui sākhangatha̱bingli hānga,

JOHN 5:20

Avāva̱na Anaomayarali leishihaoda awui kasāsā saikora chitheisera. Ana hili hakkhamei ot eina tangda ali chitheira, chieina nathum matakhakhaora.

JOHN 9:3

Jishuna ngahānkai, “Awui mik khangapeo chi awui moreiwui vang maningmana, ava̱ avāwui moreiwui vangla maningmana. Kha Varewui pangshap awui eina theingasak khavaina.

JOHN 9:8

Awui theisābing kala ali rida theikasabingna ngahāna, “Mipa hi kayāngli pokapampa chi maningmala?”

OTSAK 2:12

Chieina athum saikora matakhakhaoda maphākhuilakla akha eina akha hāngngaroka, “Hi khiwui kakhalatkhala?”

OTSAK 2:7

Chieina athumna khakshingakta kala matakhakhaida hānga, “Matuida khaleibing hi Galilee mi maningsermala?

OTSAK 3:2

Kala kapharāwui eina phei sheikasha̱ mi akha, khorumshimli kharābingwuili pozāpai khavai Khamathā kaho khorumshimwui ngavei chili rāchipampam ji.