OTSAK 28:3 - Kathara Bible (BSI)

³ Paulna thingtan akha khuilaga meili horkasang eina mei chiwui kasāna kathiri kaphunga phara̱ akha shokta Paulwui pāngli ngareishānhaowa.

OTSAK 28:3 Iomraidhean Croise

JOBWUI LAIRIK 20:16

Ana phara̱wui hu zimmangra; hu kaphunga phara̱ malena ali mara̱thatra.

ISAIAH 30:6

Negebwui sāyurbingwui pongli hāngkhamarān: pa̱khangapā, ringkhangā ngalei akhawui eina, kazingkha̱ ava̱ eina kazingkha̱ avā, chaoshai eina khayonga phara̱ rai; athumna athumwui lan gadhā eina phunga, athumwui lupāchum utwui angatongli phungzata. Kala athumwui vang matongzāki kaje yur akhali phungvāmi.

ISAIAH 41:24

Yanglu, nathum khikha maningmana, kala nathumwui otla khikha maningmana; nathumli kapangkakhuia mi chi ningkakachaiyana.

ISAIAH 59:5

Athumna chaoshaira̱ pumkhui, karkaopan rānkhui; athumwui ara̱ kazābing chi thi, kala sakhai kahai chiwui eina phara̱ sha̱shoka.

AMOS 5:19

Kazingkha̱li ngacheeda yāmlaga singom samkaphang kathāna; lah shimli yāmzanglaga phāklāngli kashai eina, phara̱na khamara̱ kathāna.

MATTHEW 12:34

He phara̱wui naongarābing! nathum maphālaga kathada khamathā tui matuipairakhala? Kaja wuklungli kaphaning chi khamorna matuikashokna.

MATTHEW 23:33

Phara̱bing, phara̱wui naongarābing, nathumna kazeiram vāki kajiwui eina kathada yāmshokpaira?

MATTHEW 3:7

Pharisee eina Sadducee kachungkhana ra̱hik khavaiwui vang kharā chi ana kathei tharan athumli hānga, “He phara̱wui naongarābing! Rāki kaji malungkhavātwui eina yāmkhavai nathumli khipāna hāngkhala?

MARK 16:18

athumna phara̱ singkhuilala, kathiri manglala china athumli khikha masāza̱mara. athumna kakazānaobingwuitungli pāng parmiakha, kharai samphangra.”

OTSAK 28:2

Yikuiram chiwui mibingna ithumli teokha ngahānkhangai maningmana. Athumna mei sāmida ithumli ringphālak eina samngarokhui, kaja atam chitharan kazing rophokhairasāda siklak eina leisai.

OTSAK 28:4

Aramnaobingna apāngli phara̱ kāngkhayui chi theilaga athum akha eina akha ngazek ngaroka, “Mashoilakla mayara hi mi shaokathatara. Ana shamadruwui eina yāmshokhailala, mashun china ali maring ngasakmara.”

2 CORINTHNAO 11:23

Athum Khristawui raola? Kapānao thada kahāngna— athumliva I mathāmei! Ina pangmeikharda ot sāhaira; phātoplila I chungmeida zanga, shaomi kahaila shānla makhuimana, thinanai sākhuikhui ji.

2 CORINTHNAO 6:9

Mina zeilala ithum mashun eina nganingchinga. Mina matheikhami thālala, theimisera; kathi thālala ringchingda lei, shaolala mashaothatmana;