OTSAK 28:2 - Kathara Bible (BSI)

² Yikuiram chiwui mibingna ithumli teokha ngahānkhangai maningmana. Athumna mei sāmida ithumli ringphālak eina samngarokhui, kaja atam chitharan kazing rophokhairasāda siklak eina leisai.

OTSAK 28:2 Iomraidhean Croise

EZRA 10:9

Chieina Judah eina Benjaminwui mi saikorana kathumthangwui alungli Jerusalemli rākazipsera; hi kachāng kachikowui khamaga̱ thangna. Kala mi saikorana Khorumshimwui kayāngli apamsera, kaja apong hiwui vang kala kazing marlak eina kharowui vang ngacheeyikhaowa.

PĀNGMONSHI 19:18

Nathumna athut makhuipaimana, lah ram khalattawui naobingli mayuishi ngarokpaimana, kha nakhalatta leikashi chithāda nawui khongnainaoli leishilu; I Prohona.

PĀNGMONSHI 19:34

Nathumli ngasokazata a chi nathum kathāna da phaninglu, kala nakhalatta leikashi thāda alila leishilu; kaja nathumla Egypt ngaleili kha̱mi sāda leisai: I Proho nathumwui Varena.

MATTHEW 10:42

Kachikathāna iwui sākhangatha̱bingwui ngachaili teomeikap kaje akhali iwui sākhangatha̱na kajiwui vang tara̱ khamakui kapkhamāngla mimangakha, ina nathumli kachangkhat kahāngna, kachilikha awui sāman chi mashimānlakmara.”

JOHN 18:18

Siknāhaida raobing eina khamayonbingna mei sālaga kuimareida meili tikpama. Peterla athumli ngasoda meili vāpama.

OTSAK 27:3

Akhama kathā ithumna Sidonli vāshunga. Juliusna Paulli phaningmida awui ngasotnaobinglila vāyang ngasaka kala khangachonla khuingasaka.

OTSAK 28:3

Paulna thingtan akha khuilaga meili horkasang eina mei chiwui kasāna kathiri kaphunga phara̱ akha shokta Paulwui pāngli ngareishānhaowa.

OTSAK 28:4

Aramnaobingna apāngli phara̱ kāngkhayui chi theilaga athum akha eina akha ngazek ngaroka, “Mashoilakla mayara hi mi shaokathatara. Ana shamadruwui eina yāmshokhailala, mashun china ali maring ngasakmara.”

ROMNAO 1:14

Greekbinglila, makhaningbinglila, thangkhameibinglila, khaninili ina samikhangayi kachungkha lei.

ROMNAO 14:1

Shitkasang khangazanali ngakuikhuilu, kala awui theikakhuiwui pongli mangayātalu.

ROMNAO 14:3

Kashaiya china makashaiya chili mamana̱shiaranu kala makashaiya china kashaiwuitungli mamashātaranu. Kaja Varena alila mayā kahaina.

ROMNAO 2:27

Chiwui vang eina nathum Jihudibing, ain leilaga ahui rimshoka, laga ain sākakhaiwui vang nathumli ahui marimkashokbingna ngashimshira. Khiwui vangkhala kaja athumva phasāli ahui marimshokchaolala ain mayona.

1 CORINTHNAO 14:11

Ina makashā tui eina mi akhana rāngazekakha a kha̱minao thāhaowa, kala awui vang ila kha̱minao thāhaowa.

2 CORINTHNAO 11:27

Ringkashi kachotkachāng ngayā mapikakhui, kathai, ra̱kachang, kasāngkharei kakhum, kasik kala kashankachon makhangavai kachungkha shida samphanghaira.

COLOSSIANAO 3:11

Hithada sāda Gentilebing eina Jihudibing, ahui rimkashok eina marimkashokbing, makākashunga Scythianaobing kala raonao eina ningkhān kahaibing khangatei maleiluimana, kha saikorali khalei Khrista hi tongtingana, Khrista saikorali lei.

HEBREWNAO 13:2

Kha̱mi-mā ngahān kathei eina kaikhana matheila kazingraoli zunkhui ngasakhaira.