OTSAK 27:2 - Kathara Bible (BSI)

² Chieina Asia ramphangwui jahas ngasām khavaipamli vāki kaji jahas chi ithumna Adramyttiumwui eina kātongkhuida zatphoka. Chili Thessalonicawui eina kharā Macedonianao Aristarchusla ithumli ngasovai.

OTSAK 27:2 Iomraidhean Croise

LUKE 8:22

Thangkha ana awui sākhangatha̱bingli marikhong akhali tongrumda athumli hānga, “Ithum ngayi vāklaida kāusa.” Chieina athum zathaowa,

OTSAK 16:17

Ana Paul eina ithumwui thi shurda panglāk eina, “Huikhamiwui tuipong nathumli vaomalānkhame mibing hi Juikhamataiya Varewui raobingna” da vaopama.

OTSAK 17:1

Chiwui thili anina Amphipolis eina Apollonia kanvāda Jihudiwui Synagogue khalei Thessalonica apamli rai.

OTSAK 19:19

Meowor kathema mi kachungkhala athumwui lairik chi khuirāda yaruiwui miktāli rāriktai. Athumna lairikbing chiwui aman chākyanglaga lupā thing hangphangā kāshunga.

OTSAK 19:29

Rotkhamarāt chi keinung peida vāshunghaowa. Paulli ngasokazata Macedoniawui mi Gaius eina Aristarchusli yaruina tukkhuida kumei shimli namkachupzanghaowa.

OTSAK 2:9

Ithum Parthia, Media, Elam kala Mesopotamia, Judea, Cappadocia, Pontus kala Asia,

OTSAK 21:5

Kha apam chili ngasāmsangki kaji zimiksho peihaoda apam chi nothāhailaga ithumna vāki kajishong zatthuihaowa. Athum saikora preinaobing eina naoshinaobing ngasoda ithumli keinung kānshokta shamadruphei vāshungda ngasovai kala chili ithum saikora khuktizangda seihā sāruma.

OTSAK 28:10

Athumna ithumli apong kachungkhali khayāshilak eina sai kala ithum zatuki kaji eina ithumna darkar kasā kashakazā katonga ngarānsangmi.

OTSAK 28:12

Ithumna Syracuseli huishangda chili zimiksho kathumthang apamsanga.

OTSAK 28:16

Ithumna Romeli vākazang tharan, shipai akhana mayonlaga Paulli amāng pam khavai mayāmihaowa.

OTSAK 28:2

Yikuiram chiwui mibingna ithumli teokha ngahānkhangai maningmana. Athumna mei sāmida ithumli ringphālak eina samngarokhui, kaja atam chitharan kazing rophokhairasāda siklak eina leisai.

COLOSSIANAO 4:10

Ili ngasoda phātop kazanga Aristarchusna kala Barnabaswui achinā Markna shālam mili. (Markwui maramli nathumli hānghaira. A rāsākha mathada samphangmilu.)

PHILEMON 1:24

Kala ili ot sakhangarumbing, Mark, Aristachus, Demas kala Luke longnala shālam chiphunli.