OTSAK 26:3 - Kathara Bible (BSI)

³ Kaja matailak eina nana Jihudiwui khangachā zatkhanā kala mamayā khangarok saikora mathālak eina katheina. Chiwui vang eina iwui hi zingarāda khānglaga khanganāmilu da kapona;

OTSAK 26:3 Iomraidhean Croise

JEREMIAH 32:11

Chiwui thili ina luilot, tuingashit lairik, mahor namkahaiya chila makhanampala khuithathuilaga —

OTSAK 21:21

Gentilewui ngaleili okthuida khalei Jihudi saikorali Moseswui ain horhailaga nao ngarālila ahui marimshok khavai kala Jihudiwui shiyan-chikan mamayon khavai nana tamchitheia da athumli hānghaira ji.

OTSAK 24:10

Chieina Governorna Paulli matui khavai ingkit sai kala Paulna hānga. “Nana zingkum sha̱rākhawui vang miyur hiwuitungli bicharwo sarā kahai hi ina thei, chiwui vang eina nawui mangāli I khalatta phayatki kajiwui vang ringphai.

OTSAK 24:4

Kha atam kasāngkha nali mahapkhano khavai, kasha̱ eina kahāng hi nana lumashanmida khanganāmilu.

OTSAK 25:26

Kha ina Caesarli mipā hiwui pongli hilāka da kapi khavai maram maleimana. Chiwui vang eina nathumwui mangāli, matailāk eina Awunga Agrippawui mangāli ali khuikharāna. Chieina ali mathālak eina ngahānshingkhui kahaiwui thili ina kapi khavai kachikathā samphanglapai.

OTSAK 26:2

“Awunga Agrippa, ina aja nawui mangāli, Jihudibingna ili kaphen saikora chiwui vang phayat khavai khanganing samkaphang hi iwui vang ka̱lā khamahaina da phaninga.

OTSAK 26:26

Awunga Agrippa, ina nali hi machihuilakla matuikashapna, khikhalajila nana hiwui pongli theisera kaja saikora hi awungana matheila achithek akhali ngathumda kashok maningmana da ina shitsanga.

OTSAK 26:7

hi ithumwui shang tharāda khanina samphangra da chihānchaoda Vareli ngashun ngayā mateila khokharum china. Kachihān hiwui vang, he awunga, Jihudibingna ili kaphenna.

OTSAK 28:17

Zimiksho kathumthangwui thili ana apam chiwui Jihudi kathānabingli hokhuisera. Athum saikora rākazip khangarum tharan ana hānga, “Ivānao ngarā, ina iyurwui mibingli lah ithumwui avā ngarāna mitā khamaron khangachā zatkhanā chili khikha kakai masāhaisālaklala, Jerusalemli ili phātop sanghailaga Romewui pāngli horsangmi.

OTSAK 6:14

Kaja kathara shim hi Nazarethwui Jishuna sākhayānghaora kala Mosesna ithumli mikahai khangachāyan chila ngachei ngasakra da kahāng ithumna shāhaira.”

1 CORINTHNAO 13:2

Ina phongkhamiwui pangshap leilala, matheikharar khangathuma matakhak kahai kala awor saikora theishingkhuishaplala, kala shitkasang tongtinghaida kaphung khāngthuishaplala, leikashi maleiakha I khikha maningmana.

KHALATLUI 17:18

“Ali awunga sangda ana awui wungpamkhongli kapam tharan Leviwui pāngmonbingna ain lairik kahai chi a khalattawui vang ana ainbing hi kapilaga lairikli haira;