OTSAK 26:23 - Kathara Bible (BSI)

²³ Chiya Khristana kachotkachāng phungphalungra kala kathiwui eina ringshok khare sāda Jihudi eina Gentilebing khaninili huikhamiwui kahor chi vaomalānra.”

OTSAK 26:23 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

ISAIAH 42:6

“Proho chi ina, ina nathumli khamashung khangarong eina hokakhuina, ina nathumli ipāng eina thara̱zatta mayonmi, ina nathumli mibingwui vang tuingashit akha sāda, yurbingwui vang kahor sangasakta,

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

ZECHARIAH 13:7

O raighai, iwui yaokahomali thuingasunglu, ili khangalengpa chili ngasunglu da saikorawui Prohona hānga. “Yaobing chaiyanghai khavai yaokahomapā chili ngaphitlu; kateonaobingli ina pāng parra.

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

MATTHEW 27:53

Jishuna ringshok kahaiwui thili athumna chikhurwui eina shoklaga kathara keinungli zanga, chi mi kachungkhana theiya.

LUKE 2:32

Hi nawui kaphaning Gentilebingli phongshokmi khavai kahorna, kala nawui miyur Israel tekmatei khavaina.”

LUKE 24:26

Awui tekhamateili zangkhavai Khristana kachotkachāng phungphalungki kaji maningmalā?”

LUKE 24:46

“Hithada kapihaili, kaja Messiahna kachotkachāng phungphalungra kala kakathumathang kathiwui eina ringluira.

JOHN 10:18

Khipānakha iwui eina makhuithuimana kha iningsasak eina kachigatna. Ina manglā chigatkashap kala khuiluikashapwui pangshap lei. Hi iwui Avāwui eina samkaphangna.”

JOHN 11:25

Jishuna ali hānga, “Iya ringkhaluia kala kharingana. Kachikathāna ili shitsangakha thihaisālala ringra;

OTSAK 13:34

“Varena ali kathiwui eina ringshok ngasaklaga kashui maleiluimara kajiwui pongli hithada hānghaida lei; ‘Davidwui kathara makhangapata sokhami chi ina nathumli mira.’

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

OTSAK 26:8

Varena kathili ringngasaka kaji hili khisāda nathumna mashitsangkapaina da phaninghaokhala?

OTSAK 3:18

Kha Varena awui marānbing saikorawui khamor eina Khristana kachotkachāng phungphalungra da rida hāngkahai chi ana ungshung ngasakhaowa.

OTSAK 3:24

Samuelwui eina thuilaga maron maron eina kharā marān saikoranala atam hiwui tui hānghaisai.

1 CORINTHNAO 15:3

Ina samkaphang mataimeikap kaji pao chi nathumli mikhamaronna. Chiya Kathara lairikli kapi kahai thada Khristana ithum moreiwui vang thimi,

2 CORINTHNAO 4:4

apuk-apaga hiwui makapha varenaona mashitkasangbingwui ning ngapeo ngasakhaoda, Varewui sakrin kakhuia Khristawui tekhamateiwui paokaphawui kahor chi mathei ngasakthuwa.

COLOSSIANAO 1:18

Ana awui phasā, kaja churchwui akuiana, haokaphoka, kathebingwui eina pharāshok kharena. Chieina ot saikorali ana mataimeikap kajina.

HEBREWNAO 2:10

Ot saikora kasā kala phāri khavai Varena mi kachungkhali Anaomayarawui tekhamatei chi samphangrum khavai mingasakphalungra kaji hi mashunglaka.

PHONGKHAMI 1:5

kala ningtongda shākhi sākhame Jishu Khrista, kathiwui eina pharākhare kala okathuili awungabingli khamungawui eina lukhamashan kala chingri kahai ngasāranu. Ana ithumli leishi kala awui thikhamiwui pha̱kaphayā eina ana ithumli moreiwui eina ningkhān ngasakhaira.