OTSAK 26:22 - Kathara Bible (BSI)

²² Kha aja rāshungda ina Varewui khangachon samphanga. Chieina ina hili nganingda kharei kateo makhaila shākhi hi khamina. Marānbing eina Mosesna shokrada hāngkahai chili henda ina khikha mahāngmana.

OTSAK 26:22 Iomraidhean Croise

EZRA 8:31

Chiwui thili kachāng kharewui zimiksho tharāda kakhanethang ithumna Ahava kongwui eina Jerusalemli ungkhavai zatphoka; kala Varewui pāngna ithumli thara̱zatta yangkashibingna shongfali ngathiraiwui eina thānshokmi.

LAA 124:8

Ithumwui ngachonmi khavai, kazing eina ngalei kasā Prohowui mingli lei.

LAA 18:47

ili athut hāngsangkhame Varena, ana mibingli iwui azingli leingasaka;

LAA 66:12

ithumwui kui nana mili naiza̱ ngasaka; meilunglila tara̱lunglila ithum zata; kha nana ithumli khamashāpamli thānshokmi.

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

LUKE 16:28

kaja ichināngara phangā lei, athumnala kachotkachāngpam hili marā khavai unghāngmachinmi ngasaklu.’

LUKE 24:27

Moseswui eina thuilaga marān saikorana awui maramli kapihaikasā katonga chi Jishuna anili khalatmisera.

LUKE 24:44

Chiwui thili ana athumli hānga, “Hi ina nathumli ngasopamlakha hāngkahai, matui kahai saikora china, kaja marānbingwui lairikli, Moseswui ningkhami lairikli, Laa lairikli kapi kahai saikora chi ungshungphalungra.”

LUKE 24:46

“Hithada kapihaili, kaja Messiahna kachotkachāng phungphalungra kala kakathumathang kathiwui eina ringluira.

JOHN 1:17

Ain hi Moseswui mangā eina mi, lukhamashan eina khamashung-khangarong hi Jishuwui eina rai.

JOHN 1:45

Philipna Nathana-elli samphangda hānga. “Moseswui ainli kapi kahai kala marānbingnala kapi kahai mipa, Josephwui naomayara, Nazarethwui Jishu chili ithum samphanghaira.”

JOHN 5:39

Nathumna kathara lairikli phai, kaja katang makhavai kharing chi chili samphangra da phaninga; kala iwui vang shakhi sakhami chi chibing china,

JOHN 5:46

Nathumna Mosesli shitsangsi kaja ilila shitsangra, khikhalajila ana iwui pongli kagapina.

OTSAK 10:43

Marān saikoranala awui pongli shākhi sai kaja ali shitkasanga mi kachiva̱na awui ming chiwui mangā eina morei pheokhami samphangra.”

OTSAK 13:29

Kathara Lairikli hāngkahai saikora athumna ungshung ngasak kahaiwui thili krushwui eina khuitāda chikhurli chizana.

OTSAK 24:14

Kha ina hi mayai, athumna mamashungmana kaji Apong chili shurda ina ithumwui avā ngarāna khokharuma Vare chili khoruma. Kha Moseswui ain lairikli kapi kahai saikora chili ina shitsanga kala marānbingna kapi kahai chilila shitsanga.

OTSAK 26:17

Ina nali Israel yurwui eina kala Gentilebingwui eina kanmira.

OTSAK 26:6

Ithumwui avā ngarābingli ngashitmi kahai chili chihānhaowa kajiwui vang aja ili bichar sākhavai hili khanganingna,

OTSAK 28:23

Chieina athumna Paulli langkasa̱ akha sai kala chithang ana kapam apam chili mi kachungkha rākazipa. Ana ngathor eina thuida ngazin vāshungda Vare wungramwui pongli meikhaichithei kala Moseswui ain lairik kala marānbingna kapi kahaiwui eina khuishoklaga athumli Jishuwui pongli meisā eina tamchithei.

ROMNAO 3:21

Kha ara Varena mikumoli mashungkhamiwui apong chi phongmihaira. Ain eina marānbingnala chili shākhi mihaisālala chi ainwui eina ngateihanghai.

1 CORINTHNAO 15:3

Ina samkaphang mataimeikap kaji pao chi nathumli mikhamaronna. Chiya Kathara lairikli kapi kahai thada Khristana ithum moreiwui vang thimi,

1 CORINTHNAO 15:4

ali chizana kala kakathumathang ringshok ngasaka,

2 TIMOTHY 3:11

ili rekakharek, kala ina kachotkachāng kaphung chi nana theikhuihaira. Antioch, Iconium kala Lystrali hāngkhavai makhalei rekakharek ina khānghaira kaji nana thei! Kha saikora hiwui eina Prohona ili kanshokmi.

PHONGKHAMI 11:18

Miyur khangateibingna malungvāta, kha nawui malungkhavāt rāhaira; kathebingli bichar sākhavai, narao paokazatbing, katharabingli, namingli khangacheebing, kharei kateoli sāman mikhavai kala okathuili sākakhaibingli sākazamki kaji atam rāhaira.”

PHONGKHAMI 15:3

Athumna Varewui rao Moseswui laa, kala Yaonaowui laa sai: “Hakhamahā, matakhak kahai nawui otsakna, O Sāshap-pangshapa Proho! Kaphā eina mashun nawui apongna, O thotthotwui Awunga!

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.

1 SAMUEL 7:12

Chiwui thili Samuelna ngalung akha khuida Mizpah eina Jeshanahwui ngachaili shuna, kala chiwui aming Ebenezer phokmi; kaja “Hi eina tangda Prohona ithumli ngachonmi” kajina.