OTSAK 26:18 - Kathara Bible (BSI)

¹⁸ Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

OTSAK 26:18 Iomraidhean Croise

LAA 119:18

Imik rakngasakmilu, chieina ina nawui ainwui eina matakhak kahai otbing theipaira.

LAA 146:8

Prohona khangapheowui mik rakngasaka; Prohona khangazanabingli khāngmathotmi; khangarongali Prohona leishi.

ISAIAH 29:18

Chitharan lairikwui tuibing hi khanā khangakhokana shāra, athumwui khangami kala tangkhamangwui eina mik khangapeoana theira.

ISAIAH 32:3

Chitharan mik katheibingwui mik mamikpiluimara; khanā kashābingna nganākhuira.

ISAIAH 35:5

Chitharan khangapeobing mik rakra, khangakhokbingla shāhaora.

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

ISAIAH 42:7

mik khangapeobingli mik rakngasak khavai, narkahaibingli zurshimwui eina khuishokmi khavai, tangkhamangli kapambingli phātopshimwui eina khuishokmi khavai hokakhuina.

ISAIAH 43:8

Mik kālaga khangapeobing, khanā kālaga khangakhokbing khuishokserlu.

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 9:2

Tangkhamangli zatkasābingna kahaka kahor akha theihaira; tangmangting kahai ramli okthuikasabing, athumwuitungli kahor hormihaira.

MALACHI 4:2

Kha iwui mingli khangacheea nathumwui vanga kazāt raikhavai angachāng kakā khamashung khangarongwui zimik akha shokra. Seinaona seishimwui eina ngalongkashok thāda nathumna ngalongkāra.

MATTHEW 4:10

Chieina Jishuna ali hānga, “Thulu, Satan! Kaja hithada kapihaida lei, ‘Nana Proho nawui Vareli khorumphalungra, kala amāngli otram ngatha̱ki kajina.’”

MATTHEW 4:16

Tangkhamanglungli pamda khaleibingna kahor kahaka akha thei. kala leiret chili kapambing eina kathi khaya̱li khaleibingwuitungli kahor china hormihaira.”

LUKE 1:77

awui mibingli huikhamiwui awor tamchithei khavai; morei pheokhami lungli huimira da.

LUKE 1:79

tangkhamang kala kathi khaya̱lungli kapambingli kahor mira, kala chingri kahai pongli zatkhavai thānmira.”

LUKE 2:32

Hi nawui kaphaning Gentilebingli phongshokmi khavai kahorna, kala nawui miyur Israel tekmatei khavaina.”

LUKE 24:45

Chiwui thili Katharatui chi theishingkhui khavai athumwui ning mathing ngasakta hānga,

LUKE 24:47

Kala awui ming singda nathumna Jerusalem eina thuida miyur saikorali ningngateida morei pheokhavai pao hāshokra.

LUKE 4:18

“Prohowui Manglā chi iwuitungli lei. Khikhalajila kachāmabingli paokaphā hashok khavai, ana ili thao neomihaira. Narkahaibingli chihomi khavai, khangapeobing theiluishit khavai, chāngkhareng kahaibing ningkhān khavai.

JOHN 17:17

Khamashung chieina athumli namingli dharchikatmilu, kaja nawui tui chiya khamashungana.

JOHN 3:19

Kala bichar chi hithai: kahor chi okathuili rāhaira, kha mikumona tangkhamangli leishitha̱haowa kaja athumwui otsak maphāmana.

JOHN 4:10

Jishuna ali ngahānkai, “Nana Varewui lemmet chi theisāsi kaja kala ‘Ili tara̱ khamimanglu’ da kapopa hi khipākhala da theisi kaja nana ali poda ana nali kharinga tara̱ chi mihaira̱ra.”

JOHN 4:14

kha ina miki kaji tara̱ chi khamanga a chi mara̱changluimara. Ina miki kaji tara̱ chiva awuili katang makhavai kharing wurkashoka ura ngasāhaora.”

JOHN 8:12

Jishuna athumli hāngluishita, “I okathuiwui kahorna, ili kashura china tangkhamangli mazatluilakmara kha kharingwui kahor samphangra.”

JOHN 9:39

Jishuna hānga, “Ina okathuili bichar sākhavai kharāna. Chieina mik khangapeobingna kathei samphangra kala katheibingna ngapeohaora.”

JOHN 9:5

I okathuili leilakha eina tangda ina okathuiwui kahorna.”

OTSAK 10:43

Marān saikoranala awui pongli shākhi sai kaja ali shitkasanga mi kachiva̱na awui ming chiwui mangā eina morei pheokhami samphangra.”

OTSAK 13:47

Kaja Prohona ithumli kasoda hānga: ‘Ina nathumli Gentilebingwui kahor sāngasak kahaina, chieina okathui saikora hi huikhuipaira’ ”

OTSAK 15:9

Ana ithum eina athumli ngatei khangasak maleimana, kaja shitkasangwui mangā eina ana athumwui morei pheomi.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 20:21

Jihudinaobing eina Gentilenaobing moreiwui eina ningngateida Varewuili latung khavai kala ithumwui Proho Jishuli shitsang khavai ina ngaraichā eina hāngmachinmi.

OTSAK 20:32

Ara ina nathumli Varewui yangkhami kala awui lukhamashanwui tui chili horsangli, tui china nathumli reisang ngasakshapa kala awui mi saikorali Varewui sokhami mishapa.

OTSAK 26:19

“Chiwui vang eina awunga Agrippa, kazingramwui eina kharā mahākhami chili ina kahāng makhanganā maleimana

OTSAK 26:23

Chiya Khristana kachotkachāng phungphalungra kala kathiwui eina ringshok khare sāda Jihudi eina Gentilebing khaninili huikhamiwui kahor chi vaomalānra.”

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

OTSAK 5:31

Varena ali Isrealnaobingli ningngateida, morei pheomi khavai kathāna Huikhame akha sāngasakta awui yāshong chipama.

ROMNAO 8:17

Ithum Varewui naongarā sāhaogada, awui shimluikatbingna samphangrānwui sokhami chi samphangra kala ithum Khristawui kachotkachāng phungrumakha tekhamatei yar chila samphangrumra.

1 CORINTHNAO 1:2

Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

1 CORINTHNAO 1:30

Varena nathumli Khrista Jishuli ngarum khavai hokhuihaira kala Varena Khrista chi ithumwui thangmei sāngasakhaira. Awui mangā eina ithumli mashungmihaira; ithum Varewui kathara miyur ngasāhaira kala moreiwui eina ningkhān ngasakhaira.

2 CORINTHNAO 4:4

apuk-apaga hiwui makapha varenaona mashitkasangbingwui ning ngapeo ngasakhaoda, Varewui sakrin kakhuia Khristawui tekhamateiwui paokaphawui kahor chi mathei ngasakthuwa.

2 CORINTHNAO 4:6

“Tangkhamangwui eina kahor shokranu” da kahānga Vare china Khristawui maili Varewui tekhamateiwui kahor chi theikhui khavai ithumwui wuklungli hormihaira.

2 CORINTHNAO 6:14

Mashitkasangabingli otrom maphungrumalu. Khamashung eina khayon khi khangarum leikhala? Kahor eina tangkhamang khi khangashik leikhala?

GALATIANAO 2:20

chieina ringda khalei hi I maningluimana, kha Khristana ili kharingna. Arui ina ringda khalei hi Varewui Naomayara ili leishida amanglā chihokhame chili shitkasang mangā eina kharingna.

GALATIANAO 3:14

Khristawui mangā eina Gentilebingli Varena Abrahamli ngashitmi kahai sokhami chi samphangpai khavai Khristana chi tākam eina thimi, chieina Varena ngashitmi kahai Manglā chi shitkasang mangā eina ithumna samphangpaira.

GALATIANAO 3:2

Hi hānglu: Varewui Manglā hi ain khamayon einaka, paokaphā shālaga shitkasang eina samkaphangkhala?

EPHESIANAO 1:11

Ot saikora Varewui khangarān kala kaphaning athishurda kashokna, kala awui kharin haokaphokwui eina ana ngarānping kahai chili pheisin sāda ithum Khristali khangashiklungli awui mibing sākhavai Varena kapangkhui kahaina.

EPHESIANAO 1:14

Varena awui mibingli ngashit kahai ithumna samphangki kaji shimlui chi masamphangranglakha eina tangda Manglā hina shākhina. Awui tekhamatei chili sochikatsa.

EPHESIANAO 1:18

Nathumwui ning shoda awui kahor theikhavai ina pomi, china nathumli hokakhuiwui kachihān chi khikhala kala awui mibingli kayākha tekhamatei lan ngashitmihaikhala da nathumna mathingrik theira,

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,

EPHESIANAO 2:8

Kaja shitkasang mangā eina nathumli huikhami hi Varewui lukhamashanna, nathumna sākakhui maningmana, kha Varewui lemmetna.

EPHESIANAO 4:18

Athum mangkhama̱wui vang ning makanghaoda Varena khami mirin chili athum mazangmana.

EPHESIANAO 5:11

Tangkhamangli khalei mibingna kasā khikha makānkhanā ot chi masaalu, chiwui mahutliva chibing chi kahorli khuishoktha̱lu.

EPHESIANAO 5:14

kaja kachikathā ot chi mathingrik eina phongkashok tharan theipaiserhaowa. Chiwui vang hithada hānga. “Ngakarthuilu, he kape, kathiwui eina ngakarthuilu, Khristana nawuitungli hormira.”

EPHESIANAO 5:8

Nathum tangkhamangli okthuida leisai, kha Prohowui mi sākahaiwui vang, nathum kahorli okthuihaira. Chiwui vang eina nathum kahorli okthuida khalei mibing thāphalungra.

EPHESIANAO 6:12

kaja ithumna mikumoli khangarar maningmana, kha kazingli khalei makathara manglābing, khamungabing, sāshap pangshapabing kala tangkhamang thotwui apuk-apagawui pangshapli khangararna.

2 TIMOTHY 2:26

Chieina athumna ning phākhuida, chipeena rao sākhavai tuknar kahaiwui eina athum yāmshokpaira.

HEBREWNAO 10:10

Chiwui vang eina Varena ningkachāng chi Jishu Khristana kasāwui vang awui phasā akhashi chigatkhami china morei tharmida kupchaohaira.

HEBREWNAO 10:14

Morei tharmi kahaibingli akhashida pha̱phayāmi kahai china kāshung ngasakhaira.

HEBREWNAO 11:6

Shitkasang maleila khipānakha Vareli ningyāng maung ngasakrarmana. Vareli kharā mi chiya Vare lei kala ali kaphā mili sāman mira kaji shitkasang leiphalungra.

HEBREWNAO 9:15

Hiwui vang eina Khristana kadhara tuingashitwui ngashikmena. Varena ngashit kahai katang makhavai sokhami chi ana hokhui kahaibingli samphang ngasaka, kaja khare tuingashit chiwui eina ningkhān khavai thikhamina.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

1 PETER 1:4

Chiwui vang Varena awui mibingli haikhami shānla makakhui sokhami samphang khavai ithumna mangāshong yangvai. Ana nathumwui vang mashuikapai, mamakhaokapai kala mashimānkapai chi kazipmihaili.

1 PETER 2:25

Nathum yaonao thada ma̱zatsai, kha ara Yaokahoma kala Manglā Mayonkhame chili latunghaira.

1 PETER 2:9

Kha nathum kapangkhui kahai miyur, wungnao sharva̱, kathara yur, Varewui mibingna. Tangkhamangwui eina kahorli thānshokta awui matakkhak kahai kahor chi hāshok khavai nathumli hokakhuina.

1 JOHN 1:9

Kha ithumna ithumwui morei Vareli hāngphatakha ana awui tuingashit chi makaimara, kala mashun chi sāmira: ithumwui moreila pheomida khayon sākahai saikorawui eina ana tharmira.

1 JOHN 2:12

Inaongarā, Khristawui mangā eina nathumwui morei pheomihaira kajiwui pongli ina kagapina.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.

1 JOHN 5:19

Apuk-apaga hi makaphā pangshapwui azingli leilala ithum Varewuina kaji ithum thei.

JUDE 1:1

Jameswui agato kala Jishu Khristawui otram khangatha̱a Judena, Jishu Khristana ngākkhami kala Avāva̱ Varewui leikashilungli kharinga Varena hokhui kahaibingli kagapina.

PHONGKHAMI 21:27

Kha khamakhao ot akhala hili mazangpaimara, sākakhamāng kala khayon-khamāng ot kasābing mazangpaimara; kha Yaonaowui kharinga lairikli aming kapikahaibingmāng zangra.