OTSAK 26:16 - Kathara Bible (BSI)

¹⁶ Kha ngakarthuida nganinglu, kaja nali rao akha sāda kapangsang khavai ina rākachitheina, kala aja nana ili theikahai kala ina naoda nali chitheiluiki kaji chi nana kateibingli shākhi sāphalungra.

OTSAK 26:16 Iomraidhean Croise

EZEKIEL 2:1

Kala ana ili hānga, “Miwui naomayara, ngakarthuilu, ina nali ngazekra.”

DANIEL 10:11

Kala ana ili hānga, “O Daniel, leishikhai kahaia mi! Ina nali kahāng tui hi khuisanglu, ngatarda thuinganinglu, kaja ili nawuili chihokharāna.” Ana tui chi hāngmamānlakha ina kathirriri thuinganinga.

LUKE 1:2

Haokaphok eina thuida mik eina kathei samphang kahaibing kala tui chi hākashokbingna ithumli hāngmi kahai thada athumna kapishok kahaina.

OTSAK 1:17

Ali ithumwui ngachaili shānsanghaisai, kala otram khangatha̱ hili awui yarla mihaisai.”

OTSAK 1:25

Judaswui mahut sāda paokazata sākhavai khani hiwui ngachaili nana kapangkakhui chi chitheimilu.”

OTSAK 20:24

Kha ina iwui mirin hi sakta makhuimana, Varewui lukhamashanwui paokaphā chi shākhi sākhavai Proho Jishuna khami chi sākupchaoshap khavai himang hi iwui ningkachāngna.

OTSAK 21:19

Paulna athum saikorali shālam sākhuilaga, Gentilebingwui alungli awui otram khangatha̱wui mangā eina Varena sāmi kahai saikora chi athumli hāngchithei.

OTSAK 22:10

Chieina ina ngahāna, ‘Proho, ina khi sarakhala?’ Chieina Prohona ili hānga, ‘Ngakarthuida Damascusli vālu, chili Varena nali sāngasakhangai chi hāngmisera.’

OTSAK 23:11

Chithang ngayā Prohona Paulwui ngalemli ranganingda hānga, “Mangacheealu! nana iwui vang Jerusalemli shākhi kasā chithada Romelila shākhi sāphalungra.”

OTSAK 26:15

‘Na khipākhala, Proho’? da ina ngahāna. Chieina Prohona ngahānkai, ‘Nana shimānranu da kasā Jishu chi ina.

OTSAK 6:4

Laga ithumva seihā kasā kala pao hākashok māngli ningyāng chigatra.”

ROMNAO 1:5

Miyur saikorali shitkasang kala kahāng khanganāli thānsangmi khavai Khristawui mingwui vang awui mangā eina ili paokazata akha sāngasaka.

ROMNAO 15:16

Kaja Khristawui rao akha sāda Gentilebingli Varewui paokaphā tamchithei khavaiwui khamahai samphangda ina mangathumlakla kagapina. Gentilebingli Manglā Katharana dharchigatmihaida Varena khuisangkapai ngasāpai khavai pāngmon akha thada Varewui paokaphā hākashokli ina otram ngatha̱ya.

2 CORINTHNAO 4:1

Chithada sāda Varewui lukhamashan eina otram khangatha̱ hi samphanghaoda ithumna ning suikatā maleimana.

2 CORINTHNAO 5:18

Saikora hi Khristawui mangā eina ali ngashim khangasaka kala khangashimwui ot sākhavai ithumli otsin kachisina Varewui eina kharāsera;

GALATIANAO 1:12

Ina mikumo khipākhawui eina hi samkaphang maningmana kala mina tamkachitheila maningmana, kha Jishu Khrista ā khalattana ili phongkhamina.

GALATIANAO 2:2

Varena I vāphalungra da chitheikhami athishurda ina vai kala kathānabing chili ngathumda vāsamphanglaga ina Gentilebingli hākashoka paokaphā chiwui pongli meikhaimi. Rida ina sākasā otla kala arui sāda khalei hila arema mangasā ngasakngaimana.

EPHESIANAO 3:3

Varena khangathuma angarān chi phongmida ili theingasakhaira (Hiwui pongli ina kasha̱-a eina kagapina,

COLOSSIANAO 1:23

Paul ina paokaphā chiwui otram khangatha̱ sāda kazingramwui azingli khalei manglākapai yur kachiva̱li tamchithei kahai nathumna shākahai paokaphāli kachihān chi mangacheila nganingtitta shitsangchinglu.

COLOSSIANAO 1:25

Varena ili churchwui otram khangatha̱ akha sāngasaka. Hi nathumli ngachon khavai ana ili sākhangasakna. Otsin hiya ana hāngmi kahai chānpao saikora chi hāngchithei khavaiwui vangna.

COLOSSIANAO 1:7

Nathumna Varewui lukhamashan pao hi ningtonglak eina Khristawui otram khangatha̱ ithumwui mathun Epapharaswui eina kashāna.

1 THESSALONICANAO 3:2

Kala Khristawui paokaphā hākashoklungli Varewui vang ithumli otsakruma Timothyli nathumwui shitkasang ngatarmei khavai kala kasatsang khavai kachihona.

1 TIMOTHY 1:12

Ili ot sākhavai pangshap khame ithumwui Proho Khrista Jishuli ningshi. Kānārada khuimida awui otram ngatha̱ khavai ili kapangkhuikhamiwui vang ningshiya;

1 TIMOTHY 4:6

Nana Manglāwui kashakazā zāda kala shitkasang chiwui athishurda navānaobingli hi tākam eina tamchitheiakha, na Khrista Jishuwui otram khangatha̱ kaphā mi akhana.

2 TIMOTHY 4:5

Kha nava ngarakzak eina sālu, kachotkachāng khānglu. Evangelist akhana sāran ot chi sālu, kala Varewui otram khangatha̱ akha sāda nana sāran ot chi ungshung ngasaklu.