OTSAK 26:13 - Kathara Bible (BSI)

¹³ He Awunga, ngashunlungwui atamli shongfa zatta leilakha kazingramwui eina zimikli horkhamei kahor akhana ili kala ili khangasobingli kuimareida kapkharor chi thei.

OTSAK 26:13 Iomraidhean Croise

ISAIAH 24:23

Chitharan kachāngna pa̱ngapāra, zimikna khayakhaora; kaja saikorawui Prohona Zion kaphungli, Jerusalemli kala awui ararbingwui mangāli khamung tharan awui tekhamatei chitheira.

ISAIAH 30:26

Chili lāngda, ana khamā za̱mi kahai saikora ngahāmida raikhami eina, kachāngwui kahor chi zimikwui kahor thāra, kala zimikwui kahor, shini shida, kaja shinithangwui kahor khangarum thāda horra.

MATTHEW 17:2

Kala athumwui miktāli Jishu azak onhaowa: amai zimik thada horra kala awui kashankachonla kahor thada charshihai.

OTSAK 22:6

“Ina zazatta Damascus vāshungnanai ngashun kashuirak kazingramwui eina horchamri kahai kahor akhana ili kuimareida horra.

OTSAK 22:9

Ili ngasokazatbing china kahor chi thei, kha ili kahānga akhon chi athum mashāmana.

OTSAK 26:12

“Hiwui kharinwui vang ina pāngmon khareibingwui eina panghap kala kakaso khuiphungda Damascusli vai.

OTSAK 26:14

Ithum saikora ngaleili saosang kahai tharan Hebrew tui eina akhon akhana, ‘Saul, Saul, khisāda nana ili rekakharekhala? Lungguili kathakakha nakhalatta chotkhuira.’ da ili kahāng ina shai.

OTSAK 9:3

Saulna zatmamānda Damascusli vāshungnanai kashuirak eina kuimareida kahor akha kazingramwui eina ali kaprorra.

PHONGKHAMI 1:16

Awui yāpāngli sirā shini singa; kala akhamorli zankhangasunga kazana raikhai akha shoka. Awui mai zimik malingting kahaiwui kahor thai.

PHONGKHAMI 21:23

Kala keinung chili hormi khavai zimikla kachāngla khikha masāvaimana; kaja Varewui tekhamateina chiwui kahorna, kala Yaonaona chiwui thaomeina.