OTSAK 26:11 - Kathara Bible (BSI)

¹¹ Ina kachungkhashida Synagogueli vāda athumli tandi mi kala athumwui shitkasang chi ngachei khavai khangarān sai; malungvātnahaida ina miram khangateiwui keinungli vāda athumli rekhareka.

OTSAK 26:11 Iomraidhean Croise

LAA 102:8

Langpongda iwui yangkashebingna ili mana̱shi, ili mana̱kharor athumna khonshida iming singpama.

HĀSHOKME 9:3

Miwui ningli makaphāna pemtinghailala, kala athumna ringlakha kapā kaho chi athumwui wuklungli leisālala, atam khaung tharān thisera kaji hi okathuili kalākashi akhana.

MATTHEW 10:17

Mibingli ngasharlak eina yanglu, kaja nathumli athumna hanga̱shimli hokāra kala athumwui synagogueli sājei eina ngaphitra,

MARK 13:9

“Kha nathum khalatta ning ngasharlu, kaja nathumli athumna kārotli khuikara; nathumli synagogueli kashaola shaora; kala iwui vang nathum khamungbing eina awungabingwui mangāli shākhi mikhavai kānganingra.

MARK 3:28

“Kachangkhat eina ina nathumli kahānga, miwui naomayarabingli morei saikora kala kachipat tui khamatui saikora pheomipaisera;

LUKE 15:17

Ning mathingkhaung eina ana hānga, ‘Iwui Avāna masākakhui rao saikora athumwui zāshapli lāngmeida samphanga, kha ina apam hili kathaina thiki jiura!

LUKE 21:12

Kha saikora hi mashokranglakha athumna nathumli tukkhuida rekhareklaga synagogueli khuivāra kala phātoplila sangra kala nathumli iwui mingwui vang eina awungabing eina governorbingwui mangāli nganing khavai khuivāra.

LUKE 6:11

Kha athumna Jishuli malungvātnāhaida khi sāsikhala da akha eina akha ngazek ngaroka.

OTSAK 13:45

Yarui kachungkha kakazip chi Jihudibingna theilaga mikpaishihaowa kala athumna Paulna kahānghāng chili yetta ali kazeila zeiya.

OTSAK 18:6

Kala athumna ali ngasungda awuitungli zakkashishi phorlaga khamatui tharan, awui kachonwui chifa kathanrorlaga maringkaphā phongshoka kala athumli hānga. “Nathumwui ashee chi nathumwuitungli tāranu! Iwui khayon maleimana. Arui hi eina thuida ina Gentilebingli vaura.”

OTSAK 22:19

Chieina ina ngahānkai, “Proho, synagogueli vāda nali shitkasangbingli ina tukkhuida kashao chi athumna mathālak eina thei.

OTSAK 22:5

Pāngmon kharei eina hangva̱nao saikorana ina khamashung tui khamatuina da shākhi mishapra. Damascusli khalei avānaobingli athumna kakapi chithi chi ila samphanga. Chieina ina mibing chili vātukkhuilaga marikhanghui eina hokkhuilaga Jerusalemli khuiungda tandi mikhavai vai.

OTSAK 9:1

Hithada leilakha Saulna Prohowui thikashurabingli zakshilāk eina machitta sāthat khavaila sāda pāngmon khareiwuili vai

JAMES 2:7

Nathumli Varena khami khayākakā mingpho chili khamashāta chi athumna.

2 PETER 2:16

Chieina khak makashoka gadhāna mitui matuida awui sāyon kahai chiwui vang kharara kala marān chiwui otsak chi khāmmihaowa.