OTSAK 26:10 - Kathara Bible (BSI)

¹⁰ Jerusalemli chithada ina sai kala pāngmon khareibingwui eina pangshap samphangda Varewui mibing kachungkhali phātoplila sanga kala athumli shaothat khavai tuitak katā tharan inala iwui khamayā miya.

OTSAK 26:10 Iomraidhean Croise

LAA 16:3

Ngalei hiwui katharabing chi khamashungana; athumli iwui ningyāngkhaung lei.

OTSAK 7:58

kala keinungwui ayarli khuishoklaga lunggui eina horthathaowa. Chitharan shākhibing china athumwui kashankachon raitāda Saul kaho yaronnao chiwui pheizingli haimisera.

OTSAK 8:1

Kala ali sākathat chi Saulnala mayai. Chithang Jerusalemli khalei churchli sākashi kachotkachāngwui rekakharek haophokhaowa. Chiwui vang paokazatbing maningla khangatei saikora Judea eina Samariawui apam saikorali ngapha̱yāng yāmvāhaowa.

OTSAK 8:3

Kha Saulna church hi shimān khavai sāda shim shimli zanglaga shitkasanga mayarnaolila, sha̱naolila shimenshokta phātopli vāsanga.

OTSAK 9:21

Awui tui kashā saikorana ngahāna, “Mipa hi Jerusalemli Jishuli khokharumabingli shaokathatapā chi maningmala? Kala ana athumli tukkhuilaga pāngmon khareibingwui mangāli khuivā khavai apam hili kharā maningmala?” da matakhakhaowa.

OTSAK 9:26

Saulna Jerusalemli unglaga sākhangatha̱bingli ngarum khavai khangarān sai. Kha athum saikorana ali ngacheehaowa, kaja ala sākhangatha̱ akha sāhaira kaji mashitsangthuwa.

OTSAK 9:32

Peterna apam saikorali zatung zatvālaga, thangkha Lyddali khalei shitkasangabingli samphang khavai vai.

OTSAK 9:41

Peterna awui pāng singkhuida khāngmathota, chiwui thili shitkasangabing kala rāmeinaobing saikorali hokhuida ringngasak kahaiva̱ chi athumli mihaowa.

1 CORINTHNAO 15:9

Kaja paokazatbingwui ngachaili I teomeikapa. Varewui churchli yankasaiwui vang ili paokazata dala mahorānmana.

GALATIANAO 1:13

Khare kachāng ina Jihudiwui dharma zatlakha Varewui Church shimān khavai kayākha sakta rekhareksākhala kaji nathumna shāhaira.

EPHESIANAO 1:1

Varena mayāmida Jishu Khristawui paokazata Paul ina Ephesusli khalei Jishu Khristali ningtongda shitkasangbingli kagapina.

PHONGKHAMI 17:6

sha̱naopava̱ chi kathara mibingwui ashee kala Jishuwui vang khamashung khangarong eina thimi kahaibingwui ashee mangda mariprei eina khalei ina thei. Ina ali kathei tharan I matakhakhaowa.