OTSAK 24:16 - Kathara Bible (BSI)

¹⁶ Chiwui vang eina Varewui miktālila, mibingwui miktālila mashun-makhui chi tharzā eina atam kachida leikhavai ina hotnai.

OTSAK 24:16 Iomraidhean Croise

OTSAK 23:1

Chieina Paulna hangva̱naobing chili yangtitlaga hānga, “Varewui mangāli aja rāshungda ina kaphā mashun-makhui eina okthuirāhaira.”

ROMNAO 2:15

Athumwui ningli ain kapisanghaida lei kaji athumwui otsak eina chithei, kala athum khalatta yonkahaila, khamashungla phaningkakhui chieina hi mashunga da athumwui mashun-makhuina chitheimi.

ROMNAO 9:1

Ina kahāng tui hi mashun tuina; chiya I Khristawuina da ina kahāng hi kakapik tui maningmana. Manglā Katharana mungda khalei iwui mashun-makhui hina I makapikmana kaji shākhi sai.

1 CORINTHNAO 10:32

Jihudibinglila, Greekbinglila kala Varewui churchlila makhanang ngasakalu.

1 CORINTHNAO 4:4

Ina khangui khalāng sākahai I matheimana, kha china I mashungchaowa kaji maningmana. Iwuitungli bichar kasaa chi Prohona.

2 CORINTHNAO 1:12

Mikumowui thangkhameina maningla Varewui lukhamashanwui pangshap eina ithumna okathui hili mataimeikapta nathum eina ithumwui khangashik hi Varena khami ningkhakasā kala ningkathar eina munga kaji hi ithumwui mashun-makhuina chitheikhamiwui vang ithumna langsoi.

2 CORINTHNAO 4:2

Khayākhamalā ngathumngateida kasā ot saikora horhaida ithumna mareimarā ot masāmana. Varewui tuila mashongachei khavai mahotnāmana, kha mashun chi phonglāk eina kachithei eina Varewui miktāli kachithei thada mi kachiva̱wui mashun-makhuili theikhuipai khavai ithum khalatta kachitheina.

1 THESSALONICANAO 2:10

Shitkasanga nathumli ithumna kasā acham aram chi kathara, khamashunga kala khayon makhaleiana kaji nathum kala Varena shākhina.

1 TIMOTHY 1:19

Kala nawui shitkasang eina mashun-makhui chi tharzā eina haipaira. Kachikathāna mashun-makhui chi manganāsangthuda athumwui shitkasang chi arema ngasā ngasakhaira.

1 TIMOTHY 1:5

Ithumna kakaso hiwui ningrin chiya, kathara wuklung, tharzā kahai mashun-makhui kala kachangkhatwui shitkasang eina kharā leikashi chi mataisang khavaina.

1 TIMOTHY 3:9

shitkasangwui kathuka tui chi athumna singtitphalungra.

2 TIMOTHY 1:3

Ishawo-ishayi ngarāwui thada mashun-makhui tharlak kahai eina ina Vareli otram khangatha̱wui vang ali ningshi. Kala ngashun ngayā mateila seihā kasā kachiva̱li nali phaningungda ningshi.

TITUS 1:15

Katharabingwui vanga ot saikora tharsera. Kha khamakhao mashitkasangbingwui vanga khikhala kathar maleimana. Kaja awui ning kala mashun-makhui hi makhaoserhaowa.

HEBREWNAO 10:22

Chieina ningkathar kala makhangapat shitkasang eina kala khayona chukkhamaja̱wui eina tharmi kahai wuklung eina ngasoda tara̱ kathar eina phasāla ra̱vaihaida ithum Vareli nganaimeisa.

HEBREWNAO 13:18

Ithumwui vang seihā sāmichinglu. Ithumwui mashun tharlak eina lei da thei, khikhalajila ithumna atam kachida khamashung otmāng sāngai.

HEBREWNAO 9:14

Chithākha Khristawui ashee eina kayākha mataida tharmirakhala? Katang makhavai Manglā chieina chukkhara maleila a khalatta Vareli pha̱mi. Awui ashee eina ithumwui mashun-makhui chi makaphā otsakwui eina tharmihaida kharinga Vareli otram ngatha̱pai khavai sāmi.

1 PETER 2:19

Nathumna maphungkhangayi kachotkachāng chi Varewui kaphaningnada theilaga phungshapakha nathumli Varena somira.

1 PETER 3:16

Kha khanim kala khayākashi eina ngasoda sālu. Nathumwui mashun-makhui ngatarteihailu, chithākha Khristawui thikashurana da kaphā kasāwui vang nathumli kachipat tharan athum khalatta khayakkhuira.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.