OTSAK 23:6 - Kathara Bible (BSI)

⁶ Mibing chi ngakhumpakna Pharisee kala ngakhumkhana Sadduceena kaji Paulna kathei eina hanga̱shimli ana vaosanga, “Ichināngarā, I Pharisee akhana, Phariseebingwui naomayara akhana; kathebingna ringluishitra da ina kachihānwui vang ili chan ngazek khavai hili nganingli.”

OTSAK 23:6 Iomraidhean Croise

MATTHEW 10:16

“Nganālu! Ina nathumli ramfawui ngachaili yao thada kachihona. Chiwui vang eina nathumna phara̱wui thada themlu kala nāsha̱wui khanim thada nimlu.

MATTHEW 22:23

Chithang chi ringkhalui maleimana da kahanga Sadduceebingna Jishuli khangahān akha rāsai,

MATTHEW 3:7

Pharisee eina Sadducee kachungkhana ra̱hik khavaiwui vang kharā chi ana kathei tharan athumli hānga, “He phara̱wui naongarābing! Rāki kaji malungkhavātwui eina yāmkhavai nathumli khipāna hāngkhala?

OTSAK 22:3

“Iva Cilicia ngaleili khalei Tarsusli kapharā Jihudi akhana, kha Jerusalemli Gameli-elwui katamnao akha sāda rarkai, ithumwui avā ngarabingwui khangazip ainwui lungli tamkakhui samphanga kala aja hili khalei nathum thada ila Vareli chigatchao kahai mina.

OTSAK 22:30

Shipai akhavā china khiwui vang eina Jihudibingna Paulli kaphenkhala kaji theishingkhui khavai ningchānghaowa, chieina akhama kathā Paulli khalap kahai chi khalāmihaowa kala pāngmon kharei eina hangva̱naobing kazip khavai kasoi. Chiwui thili ana Paulli thānphungda athumwui mangāli ali kānganing ngasaka.

OTSAK 22:5

Pāngmon kharei eina hangva̱nao saikorana ina khamashung tui khamatuina da shākhi mishapra. Damascusli khalei avānaobingli athumna kakapi chithi chi ila samphanga. Chieina ina mibing chili vātukkhuilaga marikhanghui eina hokkhuilaga Jerusalemli khuiungda tandi mikhavai vai.

OTSAK 23:1

Chieina Paulna hangva̱naobing chili yangtitlaga hānga, “Varewui mangāli aja rāshungda ina kaphā mashun-makhui eina okthuirāhaira.”

OTSAK 23:15

Chiwui vang eina nathum awui pongli munmeida theikhui khavai lei chikhaninglaga Romewui shipai akhavāli Paulli khuirā khavai nathum eina hangva̱naobingna pao chihovāmilu. Ana apam hili marāranglakha ithumna ali sāthat khavai khangarān sāra.”

OTSAK 23:20

Ana hānga, “Jihudibingna Paulwui pongli munmeida theikhui khavaina chikhaninglaga ali akhama hanga̱shimli khuirā khavai nali posa da athum mayāngarokhaira.

OTSAK 23:7

Ana chi hāngkhaleoda Phariseebing eina Saduceebing chi ngaphatreihaowa kala mijang khani shokhaowa.

OTSAK 24:15

Mibing hina kachihān khalei tākam eina ila Vareli kachihān lei; chiya mi saikora kaphāla makaphāla ringluishitra.

OTSAK 24:21

Athumwui mangāli kānganingda ‘Kathena ringluira kajili shitkasangwui vang aja nana ili bichar sāda lei’ kajili lāngda khikha mahāngmana.”

OTSAK 28:20

Hiwui vang nathumli samphangda machukrum khavai kahona. Israelwui kachihān chiwui vang ili marikhānghui sangkahaina.”

PHILIPPINAO 3:5

Kachishata thang ili ahui rimshoka. I Benjaminwui shimkhurli kapharā Israelnao akhana, kākashunga Hebrewnaona, Jihudiwui ain khamayonli yangsa jiakha iva Phariseena,

COLOSSIANAO 1:5

Nathumli khamashung chānpao—Pao Khamathā, rimeikapta rāhāngkachithei tharan china nathumli kachihān mira kaji chi nathumna shāhaira. Chieina shitkasang kala leikashina pheisin sāda khalei nathumwui kachihān chi kazingramli mathālak eina pharimihaida lei.

HEBREWNAO 6:19

Kachihān hi ithumwui mirinwui pokkhui khavai katha sāda lei. Hiya kalākashi makhalei, makhangapatana, chonrān chi kānzangda zangkhamei kathara shim chili zangshunga.