OTSAK 22:8 - Kathara Bible (BSI)

⁸ ‘Na khipākhala, Proho’ da ina ngahāna. ‘Nana shimān khavai kasā Nazarethwui Jishu chi ina’ da ana hānga.

OTSAK 22:8 Iomraidhean Croise

ZECHARIAH 2:8

Kaja saikorawui Proho china hithāda hānga, kaja awui tekhamatei china ili nathumli khangapona yurbingli chihokhavāwui thili hānga, kaja nathumli sākaza̱ a chi awui miktāli lumzailāk kahaiali sākaza̱na.”

MATTHEW 2:23

Ana Nazareth kaho keinung akhali vāpāna, chi marānbingna “Ali Nazarene hora” da hāngmarānhaikasā chi ungshung khavaina.

MATTHEW 25:40

Chieina Awunga china ngahānkāra, ‘Kachangkhat ina nathumli kahāngna, ichinābingwui ngachaili teomeikap kaje akhali nathumna sāmi kahai chi nathumna ili sākhamina.’

MATTHEW 25:45

Chieina ana athumli ngahānkāra, ‘Kachangkhat ina nathumli kahāngna, nathumna teomeikap kaje akhali masākhami chi ili masākhamina.’

OTSAK 10:14

Kha Peterna hānga, “Ngga, Proho, I makathar lah khamakhao ot akhala mashailakranga”

OTSAK 22:7

Chieina I ngaleili saosanghaowa kala akhon china kahāng ina shai, ‘Saul, Saul, khisāda nana ili rekharekkhala?’

OTSAK 26:9

“Inala Nazarethwui Jishuwui mingli mamayāmada kashap eina tangda ngasungra da phaningsai.

OTSAK 3:6

Kha Peterna hānga, “I sinala, lupāla maleimana, kha iwui khalei chi nali khamina, Nazarethwui Jishu Khristawui mingli ina nali ngakarthuida zatlu da kakasona.”

OTSAK 4:10

hi nathum saikora, kala Israelwui mi saikorana theikhuiranu kaja nathumna krushli shaothat kahaia kala kathiwui eina Varena ringlui ngasak kahaia Nazarethwui Jishu Khristawui ming chiwui pangshap eina mipā hili raimihaida nathumwui mangāli nganingli.

OTSAK 6:14

Kaja kathara shim hi Nazarethwui Jishuna sākhayānghaora kala Mosesna ithumli mikahai khangachāyan chila ngachei ngasakra da kahāng ithumna shāhaira.”

1 CORINTHNAO 12:12

Phasā akhali akai kachungkha khalei thada kala akai kachungkha chi phasā akhamāngwui kaji thada, Khristawuilila chipapama.

1 SAMUEL 8:7

Kala Prohona Samuelli hānga, “Athumwui kahahāng chi ya jihaolu; kaja athumna nali makhuikasang maningmana, ili makhuikasangna.