OTSAK 22:16 - Kathara Bible (BSI)

¹⁶ Chiwui vang eina khi ngarainganaosāra? Ngakarthuida ra̱hikhaolu kala awuili zangda nawui morei pheohaolu.’

OTSAK 22:16 Iomraidhean Croise

LAA 119:60

Ina nawui ningkhami mayonkida, kapan maleilakmana.

LAA 51:2

Iwui makaphā makhayā saikorawui eina pheomilu, kala iwui moreiwui eina tharmilu!

JEREMIAH 8:14

Khiwui vang ithum kasaikha pamhaokhala? Kazipkhuilu, ngaveikharik kahai keinungbing chili zangsa kala chili thisangsa; kaja ithumwui Proho Varena chili thikhavai retsangmihaira, kala ithumli mang khavai hu sangkahai tara̱ mi, khikhalajila ithumna Proholi morei sāhaowa.

JOHN 13:8

Peterna hānga, “Nana iphei mapheopailakmara.” Jishuna ngahānkai, “Ina naphei mapheomiakha na ili khangarum maleimana.”

OTSAK 2:21

Kala Prohowui mingli khangakao mi kachiva̱ makahatlakla kahui samphangra.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 7:59

Athumna Stephenli lunggui eina horda leilakha Stephenna, “Proho Jishu, iwui manglā kakhuimilu” da seihā sai.

OTSAK 9:14

Kala Damascusli nali khokharumbingli tukkhui khavai khamataia pāngmon khareibingwui pangshap khuida rākahaina.”

OTSAK 9:18

Chili ngalāngda khaihor thada amik eina ngajarta kahai eina kathei samphangluishithaowa. Laga ana ngakarthuida ra̱hikhaowa.

1 CORINTHNAO 1:2

Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

1 CORINTHNAO 12:13

Manglā akhamāngna ithum saikorali phasā akha sāda ra̱hikmi—kaja Jihudiranu, Gentileranu, raoranu, ningkhān kahaibingranu— ithum saikorali Manglā akhali mangrum ngasaka.

1 CORINTHNAO 6:11

Nathumwui ngachaili mi kaikhava hikathā sāsai, kha Varewui Manglā kala Proho Jishu Khristawui mingli nathumli pheomihaira, tharngasakhaira kala mashung ngasakhaira.

GALATIANAO 3:27

Khristali zangda ra̱hik kahai nathum saikora, Khrista ā khalattawui mirina nathumwui sāri ngasahaira.

EPHESIANAO 5:26

Awui tui eina tara̱ eina kapheo thada pheohailaga church chi Vareli tharchigat khavaina.

TITUS 3:5

ithumli ana huimi. Ithumna khamashung khangarong ot kasāwui vang maningmana; kha awui lukhamashan mangā eina pheomihaida Manglā Katharana pharā khangasak mirin kadhar chi ithumli thada mi.

HEBREWNAO 10:22

Chieina ningkathar kala makhangapat shitkasang eina kala khayona chukkhamaja̱wui eina tharmi kahai wuklung eina ngasoda tara̱ kathar eina phasāla ra̱vaihaida ithum Vareli nganaimeisa.

1 PETER 3:21

Hi arui nathumli huikakhui ra̱kahikwui amahāna. Hi pha̱sāwui khamakhao pheokatā maningmana, kha ana Vareli mayāda ning horsangchaolaga awui kahāng nganāra da ra̱kahikwui otsak kasāna. Jishu Khristawui ringkashok china nathumli huimi.