OTSAK 22:1 - Kathara Bible (BSI)

¹ “Ivānao ngarā kala ishāvā ngarā, ina nathumwui mangāli I khalattawui vang kaphayat hi khanganāmilu.”

OTSAK 22:1 Iomraidhean Croise

LUKE 12:11

“Athumna nathumli synagogueli, khamungabing kala khangam khareibingwui mangāli shimen khavā tharan nathumna kathada khi ngahānkārakhala lah khi hāngrakhala da malungmaringalu;

LUKE 21:14

Chiwui vang eina nawui ningli ina kathada ngahānkārakhala da rida machukmaja̱mara da phaninglu;

OTSAK 13:26

“Ivānaongarā, Abraham shimkhurwui naobing kala nathumwui ngachaili Vareli khangacheebing, huikhami chānpao hi ithumli shirātrāmihaira.

OTSAK 19:33

Mi kaikhana Jihudibingna yarui mangāli vānganing khangasaka Alexanderwui eina tuishot hi kashokna da phaninghaowa. Alexanderna yaruili akhon mashok khavai pāng eina ingkit sāda matuikida sai.

OTSAK 23:1

Chieina Paulna hangva̱naobing chili yangtitlaga hānga, “Varewui mangāli aja rāshungda ina kaphā mashun-makhui eina okthuirāhaira.”

OTSAK 23:6

Mibing chi ngakhumpakna Pharisee kala ngakhumkhana Sadduceena kaji Paulna kathei eina hanga̱shimli ana vaosanga, “Ichināngarā, I Pharisee akhana, Phariseebingwui naomayara akhana; kathebingna ringluishitra da ina kachihānwui vang ili chan ngazek khavai hili nganingli.”

OTSAK 24:10

Chieina Governorna Paulli matui khavai ingkit sai kala Paulna hānga. “Nana zingkum sha̱rākhawui vang miyur hiwuitungli bicharwo sarā kahai hi ina thei, chiwui vang eina nawui mangāli I khalatta phayatki kajiwui vang ringphai.

OTSAK 25:16

Kha ina athumli ithum Romanwui khangachāli kaphena china phenkahaiapa chili mai yangngasungda khalatta maphayatkhuiranglakha eina tangda kateiwui pāngli mikakā hi khangachā maningmana da hāngkahaina.

OTSAK 25:8

Kha Paulna khalatta phayatta; “Ina Jihudiwui ainlila, khorumshimlila, kala Romewui awungalila khikha khayon masāhailakmana.” da hānga.

OTSAK 26:24

Hithada akhalattawui vang kaphayat eina Festusna panglāk eina vaoda ali hānga. “Paul, na pāhaira! tarākha tamkakhui china nali pāngasakhaira!”

OTSAK 28:17

Zimiksho kathumthangwui thili ana apam chiwui Jihudi kathānabingli hokhuisera. Athum saikora rākazip khangarum tharan ana hānga, “Ivānao ngarā, ina iyurwui mibingli lah ithumwui avā ngarāna mitā khamaron khangachā zatkhanā chili khikha kakai masāhaisālaklala, Jerusalemli ili phātop sanghailaga Romewui pāngli horsangmi.

OTSAK 7:2

Chieina Stephenna ngahānkhai, “Ivānao ngarā kala ishāvā ngarā, iwui tui nganāmilu. Ithumwui awokharar Abrahamna Haranli mavāpānranglakha Mesopotamiali tekhamateiwui Varena rāsamphanga,

ROMNAO 2:15

Athumwui ningli ain kapisanghaida lei kaji athumwui otsak eina chithei, kala athum khalatta yonkahaila, khamashungla phaningkakhui chieina hi mashunga da athumwui mashun-makhuina chitheimi.

1 CORINTHNAO 9:3

Ili mibingna phenphāphā kaji tharan iwui ngahānkakā chi hina.

2 CORINTHNAO 12:19

Ithum khalatta mashung khavai phayatchinga da phaningchingla? Leikashebing, nathum reisang khavai Varewui mangāli ithumna Khristawui hāngngasakkhangai chi kahāngna.

2 CORINTHNAO 7:11

Kaja malungkharing chiwui vang Varena kayākha sāmihairakhala kaji theilu, kayākha ningtharda nathumwui mashun chitheihaira! Chiyākha ningkachot, chiyākha khangachee, makaphā kasāli tandi mikida, ningtongda phaning khangasak ot saikorali khangui maleilakla nathumna nganinghaira.

PHILIPPINAO 1:17

Kateibing chiya ningkathar eina Khristawui pao tamkachithei maningla khalattawui tongzā khavaiwui ningngai eina kasāna. Ina photopli leilakha mataimeida iwui vang eina khonzār khavai sārada phaninga.

PHILIPPINAO 1:7

Nathum iwui ningli leichinghaoda ina hithada kaphaning hi ngayilaka, kaja arui ina phātopli leilakhala kala paokaphā hi khamashungana da shākhi khami kala khanganing atamlila nathumna ili ngasoda Varewui lukhamashan samphangruma.

2 TIMOTHY 4:16

Ina I khalattawui vang phayetkharethang iwui vang nganingmi khavai mi khipākha maleisāmana, saikorana nothāhaowa.

1 PETER 3:15

Kha nathumwui wuklungli Khristali khayāshilu kala Prohona da mayālu. Ali kachihānwui pongli nathumli ngahānakha ngahānkāthei khavai ngarān kharirikhailu.