OTSAK 21:9 - Kathara Bible (BSI)

⁹ Awui nao mafathuirang kaje ngalānao mati leisai, athumna phongkhami ot sai.

OTSAK 21:9 Iomraidhean Croise

2 WUNGNAOBING 22:14

Chiwui athishurda pāngmon Hilkiah, Ahikam, Achbor, Shaphan kala Asaiah, athumna marānva̱ Huldah, ava Harhasna kapharā Tikvahwui nao, kachonkakhopwui yangkhame Shallumwui apreiva̱na (atam chili ana Jerusalemwui shim kakhane chili pamsai); athumna ali ngasanngaruma.

NEHEMIAH 6:14

O iwui Vare, Tobiah eina Sanballat kala marānva̱ No-adiah, kala ili ngachee khavai kasā marān khangatateibinglila athumna sākahai otsakbing hiwui athishurda phaningungmilu.

SHONGZĀ 15:20

Chiwui thili marānva̱ Mariam, Aaronwui azarva̱na timbrel singda, kala preinao katonga phung singlaga ali pheichak eina ngasoda shurshoka.

EZEKIEL 13:17

“Miwui naomayara, kachichā aningsasak eina marānkazat nawui mibingwui naongalāva̱ ngarāli makhamayā marānda hānglu,

JOEL 2:28

“Kala naoda hithāda shokra, chiya, phasā khavai kachiva̱li iwui manglā heirormira. Nanaomayara, nanao ngalāva̱ ngarāna marānra, khararnaobingna mang machutra, kala yaronnaobingna khamahā theira.

LUKE 2:36

Ashershi shangli Phanuelwui naongalāva̱ Anna kahova̱ marān akha leisai, a sarhairasai kala fathuida zingkum shinimang agaharali ngasopama,

OTSAK 13:1

Chitharan Antioch churchli marānbing kala kachishutabing leisai, athum chiya Barnabas, Kazika kaho Simeon, Cyrenewui Lucius, Governor Herodli nganaokākhangaruma Mana-en, kala Saul athumna.

OTSAK 2:17

Varena hānga, khanaowa zimiksholi ina hi shokngasakra: Kaja mi saikorali iwui manglā heirorra, kala nathumwui naomayarabing eina naongalāva̱bingna marānra, mahākhami nathumwui khanuithotna theira, kala ararnaobingna mang shimanra,

1 CORINTHNAO 7:38

Chieina khāmkahaiva̱li kakhui chi phālaka, kha mangakumlak kajina phameilui.

PHONGKHAMI 2:20

Kha nali mamayākhangai hi lei: Jezebel, khalatta marān kahova̱ chili nana mayai. Awui tamkachitheina iwui raobingli yonngasaka, khamathang-khamarang meoma̱li pha̱kahai sā chi ana shaingasaka.

WUNGVA̱-WUNGVĀ 4:4

Chitharan Lappidothwui preiva̱, Deborah, marānva̱na Israelli bichar sāmisai.