OTSAK 21:8 - Kathara Bible (BSI)

⁸ Akhama kathā ithumna chiwui thot eina Caesareali vāshunga. Chili paokazata shiniwui ngachaili kazanga Philipwui shimli vāzunna.

OTSAK 21:8 Iomraidhean Croise

OTSAK 10:1

Caesareali Italy Shipai kaho raimi shākhawui akhavā Cornelius hoda,

OTSAK 16:10

Ana chi theikahaiwui thili, ithumna Macedoniali vākhavai khangarān sāhaowa, khikhalajila apam chili khalei mibingli paokaphā hāshok khavai ithumli Varena hohaira da thei.

OTSAK 16:13

Sabbaththang ngavei kānshoklaga seihā sākhavai apam samphanglapai da kongpheili vai. Ithumna chili pamzangda chili kazipkasā sha̱naobing chili tamchithei.

OTSAK 16:16

Thangkha ithumna seihā sākhavai apamli vākida zatlakha sha̱ ngasoda, shokki kaji hāngkhamiva̱ rao sha̱nao akha samphanga. Ana shokki kaji hāngkhami eina awui akhavāli lupā tarākha pheiungmiya.

OTSAK 18:22

Ana Caesareali vākashung eina Churchwui mibingli shālam vāsākhui, laga Antiochli vāhaowa.

OTSAK 20:13

Ithumna rida marikhong tonglaga Assosli vai. Chili Paulli akhuiki kajina kaja ana chili ngaleivāk eina rāra da ithumli hānghairasai.

OTSAK 20:6

Ithumna Khawok-makazanga Khamui phanitwui thili Philippiwui eina marikhong tongkhuida zimiksho matithangwui thili Troasli athumli angaphankhui kala chili zimiksho shinithang pamsanga.

OTSAK 21:16

Kala Caesareawui eina kharā sākhangatha̱ kaikhala ithumli ngasovāda ithumna azunki kaje Cypruswui eina kharā Mnason, kharewui eina shitkasanga mi ngasāhairakasā chiwui shimli thānvai.

OTSAK 23:23

Chiwui thili ana akhavā khanili hokhuida hānga. “Aja ngayā pung kakathuma katā eina sigui katonga mi hangshini kala kazei kasinga shipai shākhanili ngasoda shipai shākhani Caesareali vākhavai khangarān sālu.

OTSAK 27:1

Ithumna marikhong eina Italy vaura da kupkahai tharan, Paul eina phātopli sangkahai mi kaikha Augustan Shipai Ashang kaho shipai shākhawui akhavā Julius kaho mipa chili horsangmi.

OTSAK 28:11

Kachāng kathumwui thili yikuiram chili si peida rāngasāmkakhui Alexanderiawui eina kharā, mangāli Ngashirkata Kameo chinaoniwui ama̱ yeksang kahai jahasli tongda zatphoka.

OTSAK 28:16

Ithumna Romeli vākazang tharan, shipai akhana mayonlaga Paulli amāng pam khavai mayāmihaowa.

OTSAK 6:5

Athumwui tui hi shālaga saikorana ningyāng unglakhaowa, chieina athumna shitkasang kala Manglā Katharana pemting kahaia Stephen, Philip, Prochorus, Nicanor, Timon, Parmenas kala Antiochwui eina Jihudi onkahai Nicalaus athumli kapangkhui.

OTSAK 9:30

Ali sāthat khavai kasā chi shitkasangbingna kathei eina Saulli Caesareali khuitālaga Tarsusli chihounghaowa.

EPHESIANAO 4:11

Kala “Mikumoli lemmet khame” chi ana. Ana kaikhali paokazata, kaikhali marān, kaikhali evangelist, khangatei kaikhali yaokahoma kala ojā sāngasaka.

2 TIMOTHY 4:5

Kha nava ngarakzak eina sālu, kachotkachāng khānglu. Evangelist akhana sāran ot chi sālu, kala Varewui otram khangatha̱ akha sāda nana sāran ot chi ungshung ngasaklu.