OTSAK 21:5 - Kathara Bible (BSI)

⁵ Kha apam chili ngasāmsangki kaji zimiksho peihaoda apam chi nothāhailaga ithumna vāki kajishong zatthuihaowa. Athum saikora preinaobing eina naoshinaobing ngasoda ithumli keinung kānshokta shamadruphei vāshungda ngasovai kala chili ithum saikora khuktizangda seihā sāruma.

OTSAK 21:5 Iomraidhean Croise

1 WUNGNAOBING 8:54

Solomonna Prohowui hanphutwui ngalemli khuktida pāng khānglaga Proholi seihā sāda kapowui kachigat saikora kupser kahai eina ngakarthui;

2 THOTRINCHĀN 20:13

Judahwui mi saikorana athumwui naoshinaobing, naongarā, preiva̱ ngarāli ngasoda Prohowui mangāli nganingsera.

NEHEMIAH 12:43

Kala chithang athumna hakmahālak eina pha̱kaphayā sāda mathāna, kaja Varena athumli mathān ngasaka; sha̱naobingla, naoshinaobingla mathānshunhaowa. Kala Jerusalemwui khamathān chi apam katāva̱ eina tangda shāvai.

LAA 95:6

O ralu, ithum ali ngakhumshamhaida khorumsa, ithumli kasā Prohowui mangāli khuktisa!

MATTHEW 14:21

Athum kazābing chi sha̱nao eina naoshinao mazangla mi thingphangā sha̱khaya.

MARK 1:40

Phārrei kakazā akha Jishuwuili rai kala khuktizanglaga, “Nana phaningmiakha ili tharngasakshapra” da ngachonmi khavai poi.

LUKE 22:41

Ana athumwui eina khavameinakta khuktizanglaga seihā sai.

OTSAK 15:3

Churchna athumli chihovai kala athumna Phoenicia kala Samaria vākānda Gentilena Vareli kathada shitsanghaokhala kaji hāngchithei kala pao hina shitkasangbing saikorali mathān ngasaka.

OTSAK 17:10

Ngayākhaleoda shitkasangabingna Paul eina Silasli Bereali chihovāhaowa. Anina azangkhaleoda synagogueli vai.

OTSAK 20:36

Paulna hāngkup kahaiwui thili athumli ngasoda khuktizangda seihā sāngaruma.

OTSAK 20:38

Athumna matailak eina awui azak matheiluimara da ana hāngkahai chiwui vang wukhananga. Chieina athumna ali marikhong pam eina tangda ngasovai.

OTSAK 9:40

Peterna athum saikorali kayāng shokngasakhailaga khuktida seihā sai; chiwui thili ana kathi angunshong ngareiungda hānga, “Tabitha, ngakarthuilu!” Ana mik kharak eina Peterli theida thuipama.

JOSHUA 24:15

Kala kalikha nathumna Proholi otram mangatha̱ngaiakha, navāngarāna kong makānda ramreili leilakha khorumkasā varebing chika, Amor ngaleili nathumna pamlakha khorumkasā varebingli khuira̱khala kaji aja kapangkhuilu; kha I kala iwui shimkhurva Proholi otram ngatha̱ra.”

JOSHUA 8:35

Mosesna kaso kahai chili Joshuana Israel katonga, sha̱nao, naoshinao kala athumwui alungli pankharuma kha̱mi saikora chiwui kazip chili, mapāshokkhangakān tui akhala maleimana.