OTSAK 21:11 - Kathara Bible (BSI)

¹¹ Ana ithumwuili rāda Paulwui shānneira̱ khuilaga khalattawui aphei apāng khalaphailaga hānga, “Hi Manglā Katharana kahāngna; Shanneira̱ hiwui akhavāli Jerusalemwui Jihudibingna hithada khalaphailaga Gentilebingwui pāngli horsangmihaora.”

OTSAK 21:11 Iomraidhean Croise

1 WUNGNAOBING 22:11

Kala Chenaanahwui naomayara Zedekiahna mari eina angaji sākhuilaga hānga, “Prohona hithāda hānga, ‘Hi eina Syrianaobingli masāshimānmiranglakha eina tangda muivālu.’”

ISAIAH 20:2

Atam chitharan Prohona Amozwui naomayara Isaiahwui khamor eina hithāda hānghaisai, “Nawui borakachon shānneira̱ khalāhailaga, kala nawui pheihopla khuishokhailaga zatlu”, kala ana chithāda sai, pheihop masangla khamahong eina zata.

JEREMIAH 19:1

Prohona hithāda hānga, ham kasemawui eina ngaleiham akha alokhuilu, kala kha̱wui kathānabing kaikha, pāngmon kaikha da hokhuilaga,

HOSEA 12:10

Ina marānbingli ngazeka; khamahā mataisangkhame chi ina, kala marānbingwui mangā eina chānjam miya.

JOHN 18:1

Jishuna seihā sāchanghailaga sākhangatha̱bingli ngasoda Kidron tampākli khavā tharan yāmgui akha leisāda athumna chili azanga.

OTSAK 13:2

Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 16:6

Paul eina ali ngasokazatbingli Manglā Katharana Asia ngaleili pao hākashok hi khāmkahaiwui vang Phrygia eina Galatia ngalei peida yaovai.

OTSAK 20:23

Ina katheiva keinung kachida phātop kazang kala kachotkachāngna ili ngaraida leili da Manglā Katharana ili hāngkhami chimānga.

OTSAK 21:33

Akhavā china vālaga Paulli tukkhui kala marikhānghui khani eina khalaplu da kasoi. Laga ana athumli ngahānna, “Hi khipa, kala ana khi sāhao?”

OTSAK 21:4

Chili shitkasanga kaikha ithumna samphangda zimiksho shinithang pamsanga. Manglāwui pangshapna chitheimida athumna Paulli Jerusalemli mavaalu da hānga.

OTSAK 22:25

Kha athumna ali hokhailaga lijei eina shaouki kaji eina chili nganingkasā shipai akhavā chili Paulna hānga, “Romewui ruichumnao akhali khayon khikhikhawui vang chān mangazekla kashao hi ainla?”

OTSAK 24:27

Kha kum khaniwui thili Felixwui mahut Porcius Festusna shinhaowa kala Felixna Jihudibingwui masot khuingaihaoda Paulli phātopli haihaowa.

OTSAK 26:29

Paulna ngahānkai, “Atam kasha̱ kasāngwui tui maningmana, namāng majila aja iwui tui nganāda khalei saikorala, marikhānghuikhana so kajimada khangateiva I kathā ngasāser khavai ina Vareli seihā sai.”

OTSAK 28:17

Zimiksho kathumthangwui thili ana apam chiwui Jihudi kathānabingli hokhuisera. Athum saikora rākazip khangarum tharan ana hānga, “Ivānao ngarā, ina iyurwui mibingli lah ithumwui avā ngarāna mitā khamaron khangachā zatkhanā chili khikha kakai masāhaisālaklala, Jerusalemli ili phātop sanghailaga Romewui pāngli horsangmi.

OTSAK 28:20

Hiwui vang nathumli samphangda machukrum khavai kahona. Israelwui kachihān chiwui vang ili marikhānghui sangkahaina.”

OTSAK 28:25

Chieina athum mamayā ngarokthuda Paulna tui hi hāngkahaiwui thili athum ngathānhaowa; “Manglā Katharana marān Isaiahwui mangā eina navā ngarāli hithada hānghaikasā chi mashunga!

OTSAK 8:29

Kala Manglā Katharana Philipli hānga “Garipamshong nganaimeida vālu.”

OTSAK 9:16

Ana iwui mingwui vang kayākha chotchangra̱khala kaji ina ali chitheira.”

EPHESIANAO 3:1

Maram hiwui vang eina, Khrista Jishuwui vang phātop kazanga Paul ina Gentilebing nathumwui vang seihā sāmi.

EPHESIANAO 4:1

Chiwui vang eina Prohowui vang narkahaia ina kapona kaja, nathumli hokakhui tharan Varena ngarānmi kahai mirin chi tāzakta okthui khavai ngarānlu.

EPHESIANAO 6:20

Ina phātop kazanga mi ngasāsālala, paokaphā hiwui paokazatana. Ina hāngphalungki kaji Paokaphā hi pinglak eina matuishap khavai seihā sāmilu.

1 TIMOTHY 4:1

Manglā Katharana tharlak eina hānghaira, kaja naoda mi kaikhana mikhanama manglā kala kameobingwui sha̱tui nganāda shitkasangwui eina thuihaora.

2 TIMOTHY 2:9

Paokaphā hākashokwui vang ina kachotkachāng phunga kala yomnao thada marikhanghui sanga. Kha Varewui tui chiya manarhaipaimana.

HEBREWNAO 10:34

Phātop kazangbingli nathumna chotruma, kala nathumwui ot ngapaithuihailala kashimān chiwui vang ringphai, kaja makashimān kala phākhamei lan ngarānhaida lei kaji nathumna thei.

HEBREWNAO 3:7

Chieina Manglā Katharana kahāng thada, “Aja nathumna Varewui akhon shaakha,

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.