OTSAK 2:47 - Kathara Bible (BSI)

⁴⁷ Kala Vareli sochikatta mi saikorana ngahānngai. Huimi kahai mi Prohona athumli thangthang ngarumsangmichinga.

OTSAK 2:47 Iomraidhean Croise

LUKE 19:48

Thālala apong akhala masamphangthuwa kaja mi saikorana awui tamkachithei chi ningsanglak eina nganāngaichinghaowa.

LUKE 2:52

Jishuna aworla, pha̱sakla mataisangmamānda Varenala mikumonala lumkālaka.

OTSAK 11:21

Prohowui pangshapna athumli ngasomi, chieina mi kachungkhana shitsangda Proholi ngareiunga.

OTSAK 11:24

Barnabas hi Manglā Kathara kala shitkasangna pemting kahai kaphā mina kala Proholi shitkasang mi kachungkhala mataisang ngasaka.

OTSAK 13:48

Gentilebingna hi kashā tharan athum mathānlakhaoda Varewui tuili sochikata, kala katang makhavai kharing samphang khavai tharchisin kahai athum kachungkhana shitsanga.

OTSAK 14:1

Ara athumna Iconiumli Jihudiwui synagogueli vālaga tamkachithei eina Jihudinao kala Greeknao kachungkhana shitsanghaowa.

OTSAK 14:21

Keinung chili anina paokaphā hashokta sākhangatha̱ kachungkha yuikhui. Chiwui thili Lystra, Iconium kala Antiochli latungluishita.

OTSAK 16:5

Chieina churchbing chi shitkasangwui lungli pangsanga kala mishānla thangkachida mataisanga.

OTSAK 17:12

Jihudi kachungkhala shitsanga kala Greekwui kāshunglak kahaiya sha̱nao kala mayarnao kachungkhala shitsanghaowa.

OTSAK 2:39

Tuingashit hi nathum kala nathumwui naongarāli kala katāva̱li khalei ithumwui Proho Varena hokakhui mi kachiva̱li khamina.”

OTSAK 2:41

Awui tui khuikasanga mi saikorali ra̱hikmi kala chithanghon mi thingkathum sha̱kha ngarumsanga.

OTSAK 4:21

Chi kahāng eina athumna mibingli khangacheewui vang, anili kashong lāngkhavai shongfa masamphangthuda hāngmachinlaga thuingasakhaowa. Chi mi saikorana theilaga Vareli masot chikata.

OTSAK 4:33

Paokazatbingna pangshap leilak eina Proho Jishuwui ringkhaluiwui shākhi mi kala athum saikorawuitungli Varewui sokhami heirormi.

OTSAK 4:4

Kha aniwui tui kashā mi kachungkhana shitsanghaowa, kala shitkasang mi thingphangā sha̱kha kashunghaowa.

OTSAK 6:1

Chitharan sākhangthābingwui mishān mataisangmamān kaji eina Greek khamatui Jihudibingna athumwui ra̱meinaobingli thangthangwui kashakazā mathada mayangkhamiwui vang Aramaic khamatui Jihudibingli maringkaphā tui matuiphoka.

OTSAK 6:7

Chieina Varewui tui ngayaovāshumda Jerusalemli sākhangatha̱bingwui mishān mataikhangai mataisanghaowa, kala pāngmon kachungkhala shitsanghaowa.

OTSAK 9:31

Chitharan Judeali, Galileeli kala Samariali khalei church saikora chingri eina okathui samphanga, Proholi khangachee eina okthuida, Manglā Katharana athumli ringphā ngasakta mishānla chungsangkhangai chungsanga.

OTSAK 9:35

Lydda eina Sharonli okthuida khalei mibing saikorana ali theilaga athumna Proholi mai ngareiunga.

ROMNAO 14:18

kala kachikathāna hi tākam eina Khristali otram ngatha̱khami tharan Vareli ningyāng ungngasaka kala mikumonala mayai.

ROMNAO 8:30

Chithada sāda Varena kapangkhui kahaibing chili hokhui kala hokakhuibing chili ana mashungmi, kala athumli awui tekhamatei samphangrum ngasaka.

ROMNAO 9:27

Isaiahna Israelwui pongli vāoshoka: “Israelwui naongarā shamadruwui situi ngayālala, athumwui ngachaili shākkahaibingmāngli huikhuira.

1 CORINTHNAO 1:18

Kaja shimānda khalei athumwui vanga krushwui tui hi mangkhama̱ thai, kha huimida khalei ithumwui vanga Varewui pangshapna.