OTSAK 2:43 - Kathara Bible (BSI)

⁴³ Paokazatbingwui mangā eina matakhak kahai machutkakhui kachungkha sāda mi kachiva̱wuitungli khangachee rai.

OTSAK 2:43 Iomraidhean Croise

ESTHER 8:17

Kala ngalei kachida, keinung kachida, awungawui tui kala kakaso vākashung pamli Jehudibingna ringkaphā khamathān eina ngasoda zāt khānglaga lumlaopama. Kala ngalei chiwui yur kachungkhana athumla Jehudina da vaoshoka; kaja athumna Jehudinaobingli khangachee leihaowa.

JEREMIAH 33:9

Ina athumli kaphā sākhami chi kathei kashā okathuiwui miyur saikorawui mangāli, keinung hi iwui mingwui khamathān, masot kala tekhamatei ngasāra, ina khamathā sākhami kala mataisang khangasak saikora hiwui vang athumna ngacheeda kathirra.”

HOSEA 3:5

Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

MARK 16:17

Kala shitkasangbingli machut hi ngasora, iwui mingli athumna kameo kashamshokra; athumna tuiyur kadharla matuira.

LUKE 7:16

Kashok chi theilaga athum ngacheelakhaowa kala Vareli masot chikatta hānga, “Ithumwui ngachaili marān kahaka akha shokhaira! kala Varena awui miyurli huimi khavai phaningmihaira!”

LUKE 8:37

Chieina Gerasa ngaleiwui kuikhamareili kapāna mibing saikorana ali athumwui eina thuimihaolu da poi; kaja athum ngacheenāhaowa. Chieina ana marikhong tongkhuiphungda latunghaowa.

JOHN 14:12

Kachangkhat ina nathumli kahāngna, kachikathāna ili shitsangakha ina kasā ot chi ala sāshapra, hakkhamei ot eina tangda sāra, kaja I Avāwuili vāhaora.

OTSAK 2:22

“Isrealnaobing, tui hi nganāmilu, Nazarethwui Jishu hi Varewui ngasokhami mangā eina nathumwui ngachaili hakkhamahā otla, matakhak kahaila kala machutkakhui otla kasā nathumna theihaira.

OTSAK 4:33

Paokazatbingna pangshap leilak eina Proho Jishuwui ringkhaluiwui shākhi mi kala athum saikorawuitungli Varewui sokhami heirormi.

OTSAK 5:5

Ananiasna tui hi kashā eina kongluisangda thihaowa, kala kashā saikorana ngacheelakhaowa.

OTSAK 9:34

“Aeneas,” Peterna ali hānga, “Jishu Khristana nali phāngasakhaira. Ngakarthuida nawui pet masankhuilu.” Chieina ana ngalāngda ngakarthui.

OTSAK 9:40

Peterna athum saikorali kayāng shokngasakhailaga khuktida seihā sai; chiwui thili ana kathi angunshong ngareiungda hānga, “Tabitha, ngakarthuilu!” Ana mik kharak eina Peterli theida thuipama.