OTSAK 2:23 - Kathara Bible (BSI)

²³ Rilak eina Varena ngarānping kahai athishurda Jishuli nathumwui pāngli horsangmi kala makaphābingwui pāng zangda ali krushtungli shaothat ngasaka.

OTSAK 2:23 Iomraidhean Croise

HAOKAPHOK 50:20

Nathumna ili makaphā saga da phaningsālapai, kha Varena kaphā sāmihaowa, kaja aja hithāda mi kachungkhali ringngasak khavai kasāna.

LAA 76:10

Kachangkhatta, mibingwui malung kakangna nali sochikatra; malung kakangwui taikashokbing nali shaksāmira.

ISAIAH 37:26

“Ina rilak eina machuk kahaina kaji na mashārangla? Arui ina sāda khalei hi ina rida ngarān kahaina, chiya ngaziplak eina sākahai keinung chi sakhaikachuptāda akha̱ samihaora.

DANIEL 4:35

okathuiwui mi awui mangāli khikha maningmana; kazinglila okathuilila awui kaphaning athishurda sai; khipānakha mangakaishirarmana, Khi kasākhala? da khipākha mangahānrarmana.

MATTHEW 20:19

Kala ali mana̱shi khavai, ngaphit khavai kala krushtungli shaoshān khavai Gentilebingwui pāngli horsangmira; kala kakathumathang ali ngakarthuilui ngasakhaora.”

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

MATTHEW 27:35

Kala ali krushli shaoshānhailaga athumna ka̱lā yanglaga awui kashankachon chi ngayara,

MARK 15:24

Athumna ali krushli shaoshāna, kala awui kashankachon chi ka̱lā yanglaga ngayar ngaroka.

LUKE 22:22

Kaja miwui Naomayarana Varena ngarān kahai chiwui athishurda thira kha ali yorkazāpa chili kakhanang ringkashi ngasāranu.”

LUKE 22:37

Kaja ina nathumli kahāngna, ‘Ali khayon kasābing mishānli shānsanga’ da kathara lairikli hāngkahai chi iwuili ungshungphalungra, kaja iwui pongli kapi kahai chi ungshungmamānhaira.”

LUKE 23:33

Athumna Mikuira̱ kaho apam chili vākashung eina Jishuli krushli kala yomnao khani chili, akhana yāshong, akhana uishong da shaothata.

LUKE 24:20

“Ithumwui pāngmon akhokabing, kala kathānabingna ali kathiwui tandi mikhavai horsangmida krushtungli shaothathaowa.

JOHN 19:18

Apam chili athumna Jishuli krushli shaoshāna, kala khangatei mi khanilila lākharip, Jishuna alungli zangda krushli shaoshānruma.

JOHN 19:24

Chieina athum akha eina akha ngazek ngarokta “He maserkhākhaisa, khipāwui ngasānikhala, ka̱lā yanghaosa” da mayāngaroka. Hi kathara tuili hāngkahai, “Athumna iwui kashankachon ngayara; kala iwui phahon katumawui vang ka̱lā yangra” kaji chi ungshung khavaina.

OTSAK 13:27

Kaja Jerusalemli kapam mibing eina kathānabingna a Huikhamena kaji matheithuwa, lah sabbath kachida pāda khalei marānbingwui tuila bhap matāthuwa. Kha Jishuli khayon khami china marānbingwui tui chi ungshung ngasaka.

OTSAK 15:18

da achālakhawui eina saikora hi chitheimi kahai Proho china hānga.’

OTSAK 2:36

“Chiwui vang eina, nathumna krushli shaothat kahaia Jishu hili Varena Prohola, Khristala sāngasakhaira kaji hi Isrealnao saikorana theikazazakhairanu.”

OTSAK 3:18

Kha Varena awui marānbing saikorawui khamor eina Khristana kachotkachāng phungphalungra da rida hāngkahai chi ana ungshung ngasakhaowa.

OTSAK 4:28

athumna kakazip hi nawui pangshap kala kaphaning eina shokkhavai ngarānping kahaina.

OTSAK 5:28

“Nathumli mipa hiwui ming eina matamchitheilakalu da kaso kahaina, kha nathumna nathumwui tamkachithei hi Jerusalem peida ngayao ngasakhaira kala mayara hiwui ashee katā chi ithumwuitungli tāngasakida sai.”

OTSAK 5:30

Ishawo ngarāwui Vare china, nathumna thingtungli shaoshanda sāthat kahaia Jishu chili ringngasakhaira,

OTSAK 7:52

Navā wongarāna marekakharek marān khaleisāla? Khamashunga rao rāki kajiwui tui hāngkhame Varewui paophungabinglila athumna sāthata. Khamashunga rao chili nathumna yansaida shaothathaira.

ROMNAO 2:12

Gentilebingva Moseswui ain kathā chi maleimana. Athumna morei sāda shimānhaiakha ain mazangla kashimāna. Kha Jihudibingva ain ngavai, chieina athumna morei saakha ain chiwui athishurda bichar sai,

ROMNAO 4:17

Hithada kapihaida lei: “Ina nali yur kachungkhawui avāva̱ sāngasakhaira.” Chieina Abrahamna shitkasanga katheli ringkhangasaka kala khikha maleikasāwui eina semkhuikashapa Vare chiwui mangāli tuingashit chi phālak kahai otna.

1 THESSALONICANAO 2:15

Jihudibingna Proho Jishulila, marānbinglila shaothata, ithumlila rekhareka kala Vareli malungvāt ngasaka kala mi saikorali mamayāmana.

1 PETER 1:2

Avāva̱ Varewui kharin athishurda kapangkhui kahaia kala Jishu Khristawui kahāng nganā khavai kala awui ashee eina chairormi khavai Manglā china kathara mibing sāngasak kahaibingli kagapina. Lukhamashan kala chingri kahai chi chungmataimeida nathumwui ngasāranu.

1 PETER 1:20

Okathui masāranglakhawui eina ali chukkahaina kha nathumwui vang eina khanaowa atamli chitheinao kajina.

1 PETER 2:8

Khangateilila hithada kapihaili: “Mibingli phei ngaphok ngasakki kaji lunggui, athumli konglui ngasakki kaji lunghār” kaja athumna kahāng makhanganāwui vang phei ngaphoka; chi Varewui kaphaningna.

JUDE 1:4

Ithumwui Akhavā Proho Jishu Khristali makhamayā kala athumwui morei thumkhavai Varewui lukhamashan otli nguida tamkachithei ithumwui alungli rāngathizanghaira. Athumwui khayon otsak hi achālakha kathara tuili kapihaisai.

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.