OTSAK 2:2 - Kathara Bible (BSI)

² Kashuirak eina masi panglāk eina kaphan thada akhon akha kazingramwui eina tālaga athumna pamkasa shim chi pemtinghaowa.

OTSAK 2:2 Iomraidhean Croise

1 WUNGNAOBING 19:11

Ana hānga, “Mangāli vālu, Prohowui mangāli kaphungtungli kānganinglu.” Kala yanglu, Proho rārāsai. Masi panglāk eina phanda kaphungla kala lunghārla ngasheikhaihaowa; kha masilungli Proho mazangsamana. Chiwui thili neina̱ khanuka, kha neina̱ kakhanuklila Proho mazangsamana;

LAA 18:10

Ana cherub akhali tongda yonga, ana masiwui angachāngtungli thaklāk eina rai.

SOLOMONWUI LAA 4:16

O atungwui masi, thuilu, O azingwui masi, phanrālu! Iwui yāmguili phanda, anganam ngayaoranu. Athei mathāmeikap kaji chi iwui leikashena rāphāshairanu.

ISAIAH 65:24

Athumna mangakaoranglakha ina ngahānkāra, athumna matuimamānlakha ina shāhairasāra.

MALACHI 3:1

Yanglu, iwui vang shongfa khangarān sākhavai iwui paome rida chiholi, kala nathumna phāda khalei Proho chi kashuirak eina awui khorumshimli rāra; nathumna ningyāngkhaunga tuingashitwui paome chi, yanglu, a rārāli, da saikorawui Prohona hānga.

LUKE 2:13

Kashuirak eina kazingrao chili ngasoda kazingramwui rao tarākha rāda Vareli masochikatta hānga;

JOHN 3:8

Masina awui phankhangaili phana, kala chiwui akhon nathumna shālaga kachiwui eina phankharā kala kachivāk phanvāhaokhala kaji nathum matheimana. Manglāna kapharā mi kachiva̱ chithāpapama.

OTSAK 2:3

Kala malezak kakhui meiwon thada rāda mi kachiva̱wuitungli rāsāza̱mi.

OTSAK 2:6

Athumna akhon chi kashā eina, mi kachungkha rakazipa, kala athum matakhakhaowa kaja shitkasangbingna kachichāramtui eina matuikasa chi athum kachivana shai.

OTSAK 4:31

Seihā sāchang kahai eina athumna kakazip apam chi nganukhaowa; kala athum saikora Manglā Katharana pemhaida Varewui tui pinglak eina matui.

1 PETER 1:12

Marānbingli Varena phongkhami hi athumwui vang maningmana, kha nathumwui vangna kaja paokazatbingna kazingramwui eina kashirāt Manglā Katharawui mangā eina nathumli hāngkhami ot hi kazingraobingnala theingai.