OTSAK 2:1 - Kathara Bible (BSI)

¹ Pentecost zimiksho kharā eina shitkasangabing saikora apam akhali kaziprumsai.

OTSAK 2:1 Iomraidhean Croise

2 THOTRINCHĀN 30:12

Prohowui tui awungana kala wungva̱bingna kaso kahai chili Judahli ningkha sākhavai Varena ngasomi.

2 THOTRINCHĀN 5:13

Proholi ningkashi eina ngasoda kala khokkha sāda masotkhami chi talla̱ kakhong kala laa kasābing athumwui otna), kala Proholi masot mida talla̱la kala khangatatei laawui akap-akai zangda, “Kaja a phālaka, kaja awui leikashi mangacheila leichinga,” da laa chi juikakā chitharan, Prohowui shim chi muiyāna pemhaowa,

LAA 133:1

Yanglu, chinaongarā khokkha sāda okkathui kayākha ringkaphā kala khamathānkhala!

SHONGZĀ 23:16

“Nathumna luili khayao theishiraiwui matheikhare athei chieina ngasoda māhā phanit mayonlu. “Kumpeili nathumna luiwui eina theishirai kazipkakhui tharan chumpha̱ phanit mayonlu.

SHONGZĀ 34:22

“Kala haptābingwui phanit nathumna mayonlu, kehu hātkakhui kala kumpei dharreo phanit hi mayonlu.”

JEREMIAH 32:39

Athumna ili ngacheeching khavai wuklung kala apong akha athumli sangmira, athumwui vangla, naoda shokki kaji anaongarāwui vāngla phākhavaina.

ZEPHANIAH 3:9

“Mha, chitharan mibingwui tuimatui mashun tui onmihaida, athum saikorana Prohowui mingli ngakaora, kala ali ning akha sāda otram ngatha̱ra.

OTSAK 1:5

kaja Johnna tara̱ eina ra̱hikmi kha ara masāngla nathumli Manglā Kathara eina ra̱hikmira.”

OTSAK 1:8

Kha Manglā Kathara chi nathumwuitungli tāshungkhami tharan, nathumna pangshap samphanglākra. Cheina nathumna Jerusalemlila, Judea ngalei katongalila, Samarialila kala okathuiwui akatanga vāshungda iwui vang shākhi sāra.”

OTSAK 2:46

Thangkachida khorumshimli kāngarumda athumwui shimli khamuila shaingarumda shaohaha phazāngarumchinga.

OTSAK 20:16

Asia ngaleili atam mashimān khavai Paulna Ephesus kānda marikhong tonglaga zatkhavai phaninghaowa, kaja shapakha Pentecost zimiksholi ā Jerusalemli leisa khavai katotlak eina zathaowa.

OTSAK 4:24

Tui chi shālaga, athum khokkha sāda Vareli masochikatta hānga, “Kazingram, okathui kala shamadru kala chiwui alungli khalei saikora kasā Sashap-pangshapa Proho!

OTSAK 4:31

Seihā sāchang kahai eina athumna kakazip apam chi nganukhaowa; kala athum saikora Manglā Katharana pemhaida Varewui tui pinglak eina matui.

OTSAK 4:32

Chitharan shitkasanga saikora ningla khokkha sāda leisai, kala khipānakha awui khalei lan chi awuina da maphaningla khalalei saikora yarui katongawuina da phaninga.

OTSAK 5:12

Chitharan paokazatbingwui pāng eina mibingwui alungli matakhak kahaila kala machutkakhuila tarākha sai kala athum saikorana Solomonwui khāmreili kazipruma.

ROMNAO 15:6

Chieina nathum saikorana khokkha sāda akhon akhamāng eina Vare kala ithumwui Proho Jishu Khristawui Avāva̱li masot chikatpaira.

1 CORINTHNAO 16:8

Kha Pentecost phanit eina tangda Ephesusli pamra.

PHILIPPINAO 1:27

Nathumwui mirin chi paokaphāwui athishurda kazata mirin ringphalungra. Chieina ina nathumli rātheilala, marātheilala nathumna paokaphāli shitkasangwui vang ning khokkha sāda ngararrumda lei, kala ning akha sāda nganingtitta lei kaji pao kashā samphangra.

PHILIPPINAO 2:2

Leikashi akhawui lungli ningphanin akha eina khokkha-yāngkha sāda ili ringphāchao ngasakmilu da poli.