OTSAK 19:5 - Kathara Bible (BSI)

⁵ Athumna pao hi shākahaiwui thili athumli Proho Jishuwui mingli ra̱hikmi.

OTSAK 19:5 Iomraidhean Croise

OTSAK 10:48

Chieina ana Jishuwui ming singda ra̱hik khavai athumli kasoi. Chiwui thili athumna ali zimiksho kasha̱khawui vang ngasopamfasa da poi.

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 8:12

Kha Philipna Vare wungram eina Jishu Khristawui mingwui paokaphā tamkachithei chi athumna shitsanghaoda mayarnaolila, sha̱naolila ra̱hikmi.

OTSAK 8:16

Kaja Proho Jishuwui ming singda ra̱hikkhami maningla athum khipākhawuitungli Manglā Kathara matāzangrangsai.

1 CORINTHNAO 10:2

Athum saikora Moseswui thikashura sāda muiyā eina ngayilungli ra̱hika.