OTSAK 18:8 - Kathara Bible (BSI)

⁸ Synagoguewui akhavā Crispusna awui shimkhur saikorali ngasoda Proholi shitsanga, kala Corinthwui mi kachungkhana Paulwui pao chi shālaga shitsanga kala athumli ra̱hikmi.

OTSAK 18:8 Iomraidhean Croise

HAOKAPHOK 17:27

kala ashi shimkhurli kapharā, kala yur kateiwui eina lokakhui mayarnao saikora ali ngasoda ahui rimshoksera.

HAOKAPHOK 18:19

Maningmana, kaja awui naongarāli, kala awui shimkhurli anaolamshong eina tangda kathar eina khamashung eina Prohowui shongfali zatkhavai kala Prohona ngashitmi kahai chi Abrahamna samphang khavai ali kapangkhui kahaina.”

MATTHEW 28:19

Chiwui vang eina nathumna vāda miyur saikorali iwui sākhangatha̱ sāngasaklu; athumli Avā kala Anaomayara kala Manglā Katharawui ming singda ra̱hikmilu,

MARK 5:22

Chitharan Synagoguewui akhava Jairusna apam chili rai kala Jishuli kathei eina awui pheizingli ngakhumzangta

MARK 5:35

Ana matuimahungda leilakha Jairuswui shim eina kachikathā mi akhana rāda ali rahānga, “Nanao ngalāva̱ aruicham thihaira. Khisāda ojāli sheikhautluisara?”

OTSAK 10:2

awui shimkhurwui mi saikora zangda Vareli khangacheea, mibingli sailamlak eina mikashoka, kala seiha sāching kaje mi akha leisai.

OTSAK 11:14

ana nashili chānpao khuirāmida chiwui mangā eina nala kala nashi shimkhurla kahui samphangra’ da rāhāngkhala kaji ithumli hāngchithei.

OTSAK 13:15

Moseswui ain lairik kala marānbingwui lairik pākup kahaiwui thili synagoguewui akhavābingna anili pao chihovai, “Ivānao khani, nanina mibing hili kasatsangkhangai leiakha kasatsangmilu.”

OTSAK 16:34

Chiwui thili ashi shimli thanungda kashakazā ngarānmi. Ashi shimkhur saikora khamathānna pemtinghaowa, khikhalajila athumna Vareli shitsanghaowa.

OTSAK 18:1

Hiwui thili Paulna Athenswui eina Corinthli vai.

OTSAK 18:17

Athumna synagoguewui akhavā Sosthenesli tukkhuilaga bicharpamwui mangāchangli shaowa, kha chithālala Galliona khikha matheimimana.

OTSAK 19:1

Apollosna Corinthli leilakha, Paulna ngalei chiwui alungli khalei ramwungbingli yaozatlaga Ephesusli rāshunga. Apam chili sākhangatha̱ kaikha samphanga

OTSAK 8:12

Kha Philipna Vare wungram eina Jishu Khristawui mingwui paokaphā tamkachithei chi athumna shitsanghaoda mayarnaolila, sha̱naolila ra̱hikmi.

1 CORINTHNAO 1:2

Corinthli khalei Varewui church, Varewui kathara mi sākhavai hokhui kahaibing saikora, Khrista Jishuli khangarumwui vang Varewui mi sākahaibing kala apam kachiva̱li Proho Jishu Khristali athumwui kala ithumwui Prohonada khokharuma mi saikorali kakapi chithina.

2 CORINTHNAO 1:1

Varivarawui ningkachāng athishurda Khrista Jishuwui paokazata ngasā kahaia Paul eina avānao Timothyna Corinthli khalei Varewui church kala Achaiali khalei Varewui mibing saikorali kagapina.

2 CORINTHNAO 1:23

Vare iwui shākhina, chiya nathumli masheikhautkhangaiwui vang ina Corinthli makharāna.

2 CORINTHNAO 6:11

Corinthwui mibing, ningtharlak eina kala phongshar eina nathumli kahāngna.

2 TIMOTHY 4:20

Erastusna Corinthli pamhaowa. Trophimus kazāhaoda ali ina Miletusli nothāhaowa.

JOSHUA 24:15

Kala kalikha nathumna Proholi otram mangatha̱ngaiakha, navāngarāna kong makānda ramreili leilakha khorumkasā varebing chika, Amor ngaleili nathumna pamlakha khorumkasā varebingli khuira̱khala kaji aja kapangkhuilu; kha I kala iwui shimkhurva Proholi otram ngatha̱ra.”