OTSAK 18:6 - Kathara Bible (BSI)

⁶ Kala athumna ali ngasungda awuitungli zakkashishi phorlaga khamatui tharan, awui kachonwui chifa kathanrorlaga maringkaphā phongshoka kala athumli hānga. “Nathumwui ashee chi nathumwuitungli tāranu! Iwui khayon maleimana. Arui hi eina thuida ina Gentilebingli vaura.”

OTSAK 18:6 Iomraidhean Croise

2 SAMUEL 1:16

Kala Davidna hānga, “Nawui ashee nakhalattali tāranu, kaja Prohona thao neomikahaia chili, ‘Ina sākathatna’ da nakhalatta shākhi khamina.”

1 WUNGNAOBING 2:33

Chiwui vang tākahai ashee chi Joabwuitungli kala ashi shimkhurwuitungli katang mavaila tāra; kha David, awui naongarā, awui shimkhur, kala awui wungpamkhongli Prohowui eina chingri kahai leichingra.”

NEHEMIAH 5:13

Ila iwui kashānli neikahai kachon chi kathantāda hānga, “Ngashit kahai hithāda makasā mi chili Varena ashi shimkhurwui eina kala awui kasāsā ot saikorawui eina kathantāranu. Kathantāhaida khamasai eina pamranu.” Mi kazip saikorana, “Amen” da hānglaga Proholi masot chigata. Kala athumna ngashit kahai thāda sai.

EZEKIEL 18:13

atar eina shināmda, kala henda khuizaakha; mi chi ringrala? A maringmara. Ningkakachai ot saikora hi ana sāhaira; a thiphalungra; awui ashee chi akhalattawuitungli tāphalungra.

EZEKIEL 33:4

kachikathā mi akhana hāngkhamathin talla̱khon chi shālaga mashitsangakha, kala raighai china rāda ali khuithuiakha, awui ashee chi akhalattawuitungli tāra.

EZEKIEL 33:6

Shantripāna raighai kharā chi theilaga talla̱ makhongmimada mibingna raighai kharā chi makatheiwui vang kachikathāli rāsāthathaiakha, mipa chi awui khayon eina kathina jilala awui kashong chi shantripā chiwuitungli ina tāngasakra.”

PĀNGMONSHI 20:9

“Avāva̱li nilala, ava̱va̱li nilala khonkashi mi kachiva̱li shaothatra; ana avāva̱li, lah ava̱va̱li khonkashiwui ashee awuitungli lei.

MATTHEW 10:14

Kala nathumli khipānakha marāzang ngasakngaiakha kala nathumwui tui manganāsangmiakha, shim lah keinung chiwui eina zatkathui tharan nathumwui pheiwui chifa chi kathangtāhailu.

MATTHEW 21:41

Athumna ngahānkai, “Ana makaphābing chili sāthatserhaora kala yāmgui chi athei khamathei atamli tāzak eina awui sharuk miki kajebingli masāvā ngasakra.”

MATTHEW 21:43

Chiwui vang eina ina nathumli kahāngna, Varewui wungram chi nathumwui eina khuithuihailaga athei mathei khangasaka yur akhali mihaora.”

MATTHEW 22:10

Chieina raobing china shongfa kachida vālaga kaphāla kashila samkaphaphang saikorali kazipkhuilaga thānunga, kala ngalā shakazāli kharābing china shim chi puihaowa.

MATTHEW 27:25

Chieina yarui saikora china ngahānkai, “Awui ashee chi ithum eina ithumwui naongarāwuitungli tāranu.”

MATTHEW 8:11

Ina nathumli kahāngna, mi kachungkha zingsho zingtunwui eina rāda kazing wungramli Abraham, Isaac kala Jacobli phazārumra,

LUKE 22:65

Kala athumna ali kachipat tuila kachungkha matui.

LUKE 9:5

Kha nathumli marāzang ngasak khangaiya ram kachiva̱ chiwui eina zatphokuki kaji tharan athumli makhamayāwui shākhi kachithei sāda nathumwui pheili kakā chifa chi kathangtāhaolu.”

OTSAK 13:51

Chieina athumli makhamayā chitheida anina aniwui pheili chifa kakā chi kathangtāhailaga Iconiumli vāhaowa.

OTSAK 26:11

Ina kachungkhashida Synagogueli vāda athumli tandi mi kala athumwui shitkasang chi ngachei khavai khangarān sai; malungvātnahaida ina miram khangateiwui keinungli vāda athumli rekhareka.

OTSAK 26:20

Rimeikapta Damascusli khalei, chiwui thili Jerusalemli khalei kala Judeali khalei saikora kala Gentilebingli, moreiwui eina ning ngateida Vareli latunglu kala ning ngateihaira kaji otsak eina chitheiphalungra da ina pao hāshoka.

OTSAK 28:28

Chiwui vang eina ina nathumli theingasakkhangai chi hina, Varewui huikhami tui chi Gentilebingli shivāthaira; athumna khuisangra.

ROMNAO 3:29

Chi maningakha Vare hi Jihudiwui vangmāngmalā? A Gentilebingwui Vare maningthulā? Mha, ā Gentilebingwui Varena.

1 TIMOTHY 5:22

Pāng khangkāda dharkachigat ot kasāli makatotnālu, miwui makaphā otsakli nalila phenpaishina. Tharlak eina pamlu.

2 TIMOTHY 2:25

Yangkashebingli kaphā eina mashungkakhui ngasāphalungra. Chithākha Varena athumli ningngatei ngasakta khamashung theikhui ngasakpai.

1 PETER 4:14

Khristawui thi kashurwui vang mina zeiakha nathum ringphālu; hiwui kakhalata tekhamatei manglā, Varewui Manglā chi nathumwui lungli lei.

1 PETER 4:4

Ara nathumna athumli ngasoda makaphā-makhayā chili makazangwui vang matakhakhaoda athumna nathumli khamashātna.